Šmatdzietnuju maci, čyj syn — palitviazień, sudziać pa kryminalnaj spravie. Joj pahražaje da 7 hadoŭ
Havorka pra Natallu Davydulinu, maci byłoha palitviaźnia Dzianisa Davydulina. Jaje zatrymali padčas rejda na salidarnych z palitviaźniami ŭ studzieni 2024-ha. Chutčej za ŭsio, «vina» žančyny ŭ tym, što jana dapamahała inšym.
Natalli Davydulinaj 47 hadoŭ, jana sa Žłobina. Z sacsietak Natalli viadoma, što ŭ ich z mužam vialikaja siamja — piaciora dziaciej, ź jakich adna dačka jašče ŭ małodšaj škole.
Adzin z synoŭ Natalli, Dzianis Davydulin — były palitviazień. Jaho zatrymali ŭ sakaviku 2021-ha i prysudzili paŭtara hoda kałonii za toje, što ŭ noč na 10 žniŭnia jon «vychodziŭ na prajeznuju častku i akazvaŭ aktyŭnaje niepadparadkavańnie supracoŭnikam milicyi». 19-hadovy chłopiec adbyvaŭ pakarańnie ŭ adnoj z samych suvorych kałonijaŭ Biełarusi — №1 u Navapołacku, dzie ciapier znachodzicca Viktar Babaryka.
Dzianis vyzvaliŭsia 8 lipienia 2022. Z taho času pra jaho ničoha nieviadoma, ale na momant zatrymańnia maci jon byŭ u Biełarusi, kali mierkavać pa jaje sacsietkach (na vadochryšča jany vykładali siamiejnaje fota).
Mała viadoma i pra Natallu. Jana nikoli nie davała intervju miedyja. Z raskładaŭ sudoŭ viadoma, što jaje sudzili 24 studzienia 2024 za «raspaŭsiud ekstremisckich materyjałaŭ». Imavierna, jaje zatrymali padčas abłavy na salidarnych z palitviaźniami.
Sud pačniecca 23 žniŭnia ŭ Homielskim abłasnym sudzie.
Žančynu vinavaciać u «sadziejničańni ekstremisckaj dziejnaści» (č. 1 i č. 2 art. 361-4 KK). Z farmuloŭki SK nakont piensijanierki Natalli Malec z Bresta, jakoj prysudzili try z pałovaj hady kałonii za pieravody palitviaźniam z ułasnaj piensii, zrazumiełaja łohika łukašenkaŭskich kadebešnikaŭ, jakija viali takija spravy. Maŭlaŭ, kali ty dapamahaŭ tolki «ekstremistam», značyć ty ź imi zaadno, a, značyć, uśviedamlaŭ «ekstremisckuju sutnaść złačynstva». Realnaja adpaviednaść zakonu mała cikavić śledstva.
Takim čynam, chutčej za ŭsio, Natallu vinavaciać u niejkaj dapamozie inšym źniavolenym. Viadoma, što padčas studzieńskaj abłavy pakinuli za kratami ŭ asnoŭnym tych, chto dapamahaŭ inšym — rabiŭ pieravody i pasyłki ŭ SIZA dy kałonii, navat na vielmi drobnyja sumy.
«Naša Niva» — bastyjon biełaruščyny
PADTRYMAĆZatrymanych niekalki socień, niekatorym paśla dopytaŭ nie viartajuć pašparty. Padrabiaznaści abłavy na salidarnych z palitviaźniami
Piensijaniercy z Bresta dali try z pałovaj hady kałonii za dapamohu palitviaźniam
Byłaja palitźniavolenaja: Maja siamja patraciła za dva hady $10 tysiač na advakataŭ i pieradačy dla mianie
Chutka pačniecca sud nad žonkaj palitviaźnia, zatrymanaj u studzieni padčas rejdu za salidarnaść z palitźniavolenymi
Ciapier čytajuć
Minimum 314 biełarusaŭ zahinuli va Ukrainie, vajujučy za Rasiju. Stali viadomyja imiony. Ad viarboŭki da śmierci prachodzić u siarednim paŭhoda16
Minimum 314 biełarusaŭ zahinuli va Ukrainie, vajujučy za Rasiju. Stali viadomyja imiony. Ad viarboŭki da śmierci prachodzić u siarednim paŭhoda
«Pieraapranuŭsia ŭ amapaŭca i dyryžyravaŭ čornaj dubinkaj». Adzin z zasnavalnikaŭ «Volnaha choru» — pra akcyi ŭ handlovych centrach u 2020‑m i pracu ŭ fiłarmonii ŭ Litvie44
Kamientary
Meta kab usie byli rabami.