Грамадства33

Шматдзетную маці, чый сын — палітвязень, судзяць па крымінальнай справе. Ёй пагражае да 7 гадоў

Гаворка пра Наталлю Давыдуліну, маці былога палітвязня Дзяніса Давыдуліна. Яе затрымалі падчас рэйда на салідарных з палітвязнямі ў студзені 2024-га. Хутчэй за ўсё, «віна» жанчыны ў тым, што яна дапамагала іншым.

Наталля Давыдуліна. Фота з яе старонкі ў Аднакласніках

Наталлі Давыдулінай 47 гадоў, яна са Жлобіна. З сацсетак Наталлі вядома, што ў іх з мужам вялікая сям'я — пяцёра дзяцей, з якіх адна дачка яшчэ ў малодшай школе.

Адзін з сыноў Наталлі, Дзяніс Давыдулін — былы палітвязень. Яго затрымалі ў сакавіку 2021-га і прысудзілі паўтара года калоніі за тое, што ў ноч на 10 жніўня ён «выходзіў на праезную частку і аказваў актыўнае непадпарадкаванне супрацоўнікам міліцыі». 19-гадовы хлопец адбываў пакаранне ў адной з самых суворых калоніяў Беларусі — №1 у Наваполацку, дзе цяпер знаходзіцца Віктар Бабарыка.

Дзяніс вызваліўся 8 ліпеня 2022. З таго часу пра яго нічога невядома, але на момант затрымання маці ён быў у Беларусі, калі меркаваць па яе сацсетках (на вадохрышча яны выкладалі сямейнае фота).

Мала вядома і пра Наталлю. Яна ніколі не давала інтэрв'ю медыя. З раскладаў судоў вядома, што яе судзілі 24 студзеня 2024 за «распаўсюд экстрэмісцкіх матэрыялаў». Імаверна, яе затрымалі падчас аблавы на салідарных з палітвязнямі.

Суд пачнецца 23 жніўня ў Гомельскім абласным судзе.

Жанчыну вінавацяць у «садзейнічанні экстрэмісцкай дзейнасці» (ч. 1 і ч. 2 арт. 361-4 КК). З фармулёўкі СК наконт пенсіянеркі Наталлі Малец з Брэста, якой прысудзілі тры з паловай гады калоніі за пераводы палітвязням з уласнай пенсіі, зразумелая логіка лукашэнкаўскіх кадэбэшнікаў, якія вялі такія справы. Маўляў, калі ты дапамагаў толькі «экстрэмістам», значыць ты з імі заадно, а, значыць, усведамляў «экстрэмісцкую сутнасць злачынства». Рэальная адпаведнасць закону мала цікавіць следства.

@nashanivanews За дапамогу адправяць у турму #беларусь #александрлукашенко #белорусы #закон #новостибеларуси #нашаніва ♬ mirage - théos & Antent

Такім чынам, хутчэй за ўсё, Наталлю вінавацяць у нейкай дапамозе іншым зняволеным. Вядома, што падчас студзеньскай аблавы пакінулі за кратамі ў асноўным тых, хто дапамагаў іншым — рабіў пераводы і пасылкі ў СІЗА ды калоніі, нават на вельмі дробныя сумы.

«Наша Нiва» — бастыён беларушчыны

ПАДТРЫМАЦЬ

Каментары3

  • Бенiта i Гiтлер
    13.08.2024
    Недоўга ужо засталася путлеру i яго разъетаму хракапасобнiку.
  • Андрусь
    13.08.2024
    Лукашэнка кідае людзей за краты толькі за праўлення салідарнасці.
    Мэта каб усе былі рабамі.
  • Prakop
    13.08.2024
    Дебілы не - дзе разпаусюд ?

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Украіна нанесла ўдар па штабе арміі ў Бярдзянску. Загінулі сямёра вайскоўцаў, у тым ліку сын генерала3

Выжыць на 1500 рублёў? Некаторыя мінчане кажуць, што гэта рэальна11

Эстонія з 1 снежня закрывае мяжу з Расіяй4

У Мінску прадаюць «Жыгулі» з маторам на 300 сіл2

Украіна сёння збіла 79 крылатых ракет з 84, але не мае чым збіваць балістыку1

Падчас расійскага ўдару па Львове там была беларуская дэлегацыя5

«Людзі п'юць з балота». Лукашэнка абурыўся якасцю вады ў Смаргоні4

Філасофскія гурткі, «вышэйшыя сілы», платныя курсы, пашпарт грамадзяніна Метагалактыкі — раскрыта дзейнасць секты5

Жыццё па падпісцы. У «Паўночным Беразе» скардзяцца на платную падпіску, патрэбную, каб карыстацца ўсімі функцыямі жыллёвага комплексу13

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць