Piensijaniercy z Bresta dali try z pałovaj hady kałonii za dapamohu palitviaźniam
Natalla Malec — žycharka Bresta, jakaja dapamahała znajomym žančynam-palitviaźniam z ułasnaj piensii.
Na pačatku 2023 žančynu asudzili na 1,5 hady «chatniaj chimii» za kamientar u sacyjalnych sietkach, ale na hetym pieraśled nie skončyŭsia.
U vieraśni 2023 hoda žančynu znoŭ zatrymali i źmiaścili pad vartu. Siłavikoŭ zacikaviła «padazronaja aktyŭnaść žančyny ŭ ažyćciaŭleńni hrašovych pieravodaŭ». Joj vystavili abvinavačvańnie pa art. 361-4 č.1 «Sadziejničańnie ekstremisckaj dziejnaści».
Vierahodna, zatrymańnie źviazana z udziełam Natalli ŭ zakrytaj supołcy ŭ Facebook «Piśma Solidarnosti Biełaruś 2020», jakuju ŭ śniežni pryznali «ekstremisckim farmavańniem».
Natalla nikoli nie admaŭlała taho, što padtrymlivaje ludziej, bo ŭ hetym niama ničoha supraćzakonnaha.
8 žniŭnia prysud u try z pałovaj hady źniavoleńnia vynies sudździa Rusłan Siańko (Brescki abłasny sud), piša dissidentby.
Kamientary