Sud u Rasii spyniŭ spravu suprać muzieja ab prapahandzie nacyzmu za łozunh «Žyvie Biełaruś!»
Historyja z łozunham, jaki napisali na ścianie muzieja «Erarta», ciahnułasia paru miesiacaŭ. Abarona śćviardžała, što ŭsprymać «Žyvie Biełaruś» niehatyŭna možna tolki ŭ adnym vypadku.
Sud Sankt-Pieciarburha spyniŭ spravu ab «prapahandzie abo publičnym demanstravańni nacysckaj atrybutyki abo simvoliki» suprać miascovaha muzieja «Erarta».
U siaredzinie lipienia na muziej skłali administracyjny pratakoł za hrafici «Žyvie Biełaruś!» pad karcinaj «Fiestyval» viadomaha biełaruskaha mastaka Siarhieja Hrynieviča.
Zhodna z pratakołam, nadpis znajšli na čaćviortym paviersie muzieja ŭ pačatku červienia. Muziej, pavodle viersii śledstva, arhanizavaŭ takim čynam «publičnaje demanstravańnie nacysckaj atrybutyki ci simvoliki», piša «Kommiersant'».
Ekśpierty Sankt-Pieciarburhskaha dziaržuniviersiteta zajavili, što fraza «Žyvie Biełaruś!» źjaŭlajecca simvałam 13-ha Biełaruskaha palicejskaha bataljona pry SD i 30-j hrenadziorskaj dyvizii Vafien-SS i pryraŭniali jaje da nacysckaha pryvitańnia.
Na pasiadžeńni suda advakat muzieja zajaviŭ, što hrafici nanios na ścianu nieviadomy naviedvalnik. Jon taksama patłumačyŭ, što łozunh «Žyvie Biełaruś!» moža ŭsprymacca niehatyŭna tolki pry vykanańni adnoj abaviazkovaj umovy — uskidvańni pravaj ruki ŭvierch u nacysckim pryvitańni.
«Jak vyśvietliłasia padčas praviadzieńnia pravierki, nadpis moža tłumačycca nieadnaznačna i niehatyŭna. Taksama z pratakoła vynikaje, što ab niehatyŭnym sensie frazy možna kazać tolki, kali jaje ŭsklikajuć z padniataj pravaj rukoj. Dadzienych faktaŭ ustanoŭlena nie było», — zajaviŭ juryst.
Vidavočna, advakat spasłaŭsia na rašeńnie biełaruskich uładaŭ, jakija ŭklučyli łozunh «Žyvie Biełaruś!», jaki supravadžajecca ŭźniaćciem pravaj ruki z rasprastanaj dałońniu, u pieralik nacysckaj simvoliki.
Rasijski sud u vyniku spyniŭ spravu ŭ suviazi z zakančeńniem terminu daŭnaści pryciahnieńnia da administracyjnaj adkaznaści.
Pavodle fatahrafij z sacyjalnych sietak, karcina raźmieščana ŭ muziei ŭžo nie pieršy hod, a fraza «Žyvie Biełaruś!» była pakinuta pad joj jašče vosieńniu 2020 hoda.
Ciapier čytajuć
Biełarusaŭ pa viartańni damoŭ na miažy ŭsio čaściej raździavajuć dahała15
Biełarusaŭ pa viartańni damoŭ na miažy ŭsio čaściej raździavajuć dahała
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2828
Kamientary
Tiem boleje, čto łukašienko sam pieriesadit vsiech, kto chočiet, čtoby Biełaruś Žiła Viečno !