U Brytanii navat raspracavali płan nakont śmierci kata Łary — hałoŭnaha myšałova brytanskich premjeraŭ
Jon raspraviŭsia ź niekalkimi myšami i piaćciu premjer-ministrami. U hetym stałym uzroście, u jaho 17 hadoŭ, prydumany płan (kali pryjdzie čas), kab paviedamić hetuju sumnuju navinu nacyi.
Artykuł u The Times tak i nazyvajecca: «Płan Daŭninh-stryt na toj momant, kali ŭ kata Łary skončacca 9 žyćciaŭ».
Jak viadoma, ułady Brytanii majuć płany dziejańniaŭ u vypadku śmierci členaŭ karaleŭskaj siamji, hetyja płany dziejańniaŭ majuć kodavyja nazvy i robiacca, kab padrychtavacca da paviedamleńniaŭ pra śmierć taho ci inšaha pradstaŭnika karaleŭskaj siamji ci top-čynoŭnika dla nacyi. Tak navina pra śmierć Lizaviety II u vieraśni 2022 hoda abaznačałasia kodavaj frazaj «Łondanski most ruchnuŭ».
Ale jość jašče adna fihura, jakaja była pastajannym spadarožnikam i abnadziejvała prysutnaściu šaściarych premjer-ministraŭ. Heta hałoŭny myšałoŭ Brytanii kot Łary, jakomu ŭžo 17 hadoŭ. The Times daznaŭsia pra toje, što isnuje płan dziejańniaŭ u vypadku jaho śmierci.
Płan taksama maje kodavuju nazvu — «Łary Brydžes».
Na vypadak śmierci Łary čynoŭniki padrychtavali pres-reliz i padabrali fatahrafii dla publikacyi, taksama jość post dla sacsietak. Pry tym padkreślivajecca, što z Łary ŭsio ŭ paradku.
Łary pasialiŭsia ŭ domie №10 na Daŭninh-stryt u 2011 hodzie pry Devidzie Kemaranie, jon pieražyŭ Terezu Mej, Borysa Džonsana, Liz Tras i Ryšy Sunaka, a zaraz žyvie z Kiram Starmieram.
Da Łary samym znakamitym myšałovam na Daŭninh-stryt byŭ kot Chamfry, jaki słužyŭ pry troch premjerach — Marharet Tetčer, Džonie Miejdžary i Toni Błery. Jon pamior u 2006 hodzie va ŭzroście 18 hadoŭ.
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia18
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher55
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher5
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2323
Kamientary