Afhaniec, jaki šmat hadoŭ žyvie ŭ Biełarusi, pastajanna ekśpierymientuje na aharodzie pad Minskam.
Na Kamaroŭskim rynku zaŭvažanaja łahienaryja. Hetaja niezvyčajnaja harodnina redka sustrakajecca ŭ Biełarusi, piša Tochka.by.
Śpiarša cana. Pradajuć łahienaryju pa 5 rubloŭ za kiłahram.
Vyraścili jaje pad Minskam biełaruska Alesia i Chan, jaki naradziŭsia ŭ Afhanistanie. Mužčyna daŭno ŭ našaj krainie, pastajanna ekśpierymientuje na svaim aharodzie, vyroščvaje niecharakternuju dla biełaruskaha klimatu harodninu. Łahienaryja — tolki adna ź ich.
Što heta za harodnina
Łahienaryju nazyvajuć pa-roznamu: harbuz, ahurok, kabačok. Na smak, kažuć, niešta siaredniaje pamiž usimi hetymi harodninami.
Płod u zaležnaści ad padvidu i hatunku moža być u daŭžyniu ad 30 sm da 2 m. Vaha taksama roznaja — da 32 kh.
Forma ŭ łahienaryi raznastajnaja. Na Kamaroŭcy pradajuć hrušapadobnuju.
Radzimaj ličycca Afryka, terytoryja sučasnaha Zimbabve. Adtul kultura raspaŭsiudziłasia praź Siaredniuju Aziju ŭ Kitaj. Vyroščvajuć łahienaryju zvyčajna ŭ trapičnych i subtrapičnych zonach.
Z čym jaje jaduć
Pa vialikim rachunku hatavać łahienaryju možna jak zvyčajnyja kabački abo harbuz.
Siamiejnaja para, jakaja pradaje niezvyčajnuju harodninu na rynku, padzialiłasia receptam.
Śpiarša nieabchodna absmažyć cybulu, zatym dadać tudy śviežyja tamaty, a śledam i łahienaryju. Tušyć niekalki chvilin. Pry žadańni možna hatavać i ź miasam. U kancy abaviazkova dadać časnyk i jakija-niebudź prypravy. Chan z Alesiaj addajuć pieravahu indyjskim — naprykład, ziru.
Darečy, pa ich śćviardžeńni, łahienaryja dobraja dla straŭnikava-kišečnaha traktu — jana palapšaje stravavańnie.
Cikava, što niaśpiełyja płady možna vykarystoŭvać dla zachoŭvańnia ježy abo vady.
Ciapier čytajuć
Kamientary