Na biełaruskaj biržy stali pradavać ahrest, parečki, bružmiel i juku šydzihiera
U krasaviku na Biełaruskaj univiersalnaj tavarnaj biržy pašyryŭsia pieralik syraviny dla vytvorčaści charčovych praduktaŭ, jakuju zakuplajuć ajčynnyja pradpryjemstvy. Padrabiaznaści paviedamili Office Life pradstaŭniki placoŭki.
Da ŭžo pradstaŭlenych na tarhach bolš čym 300 pazicyj dadalisia parečki, ahrest, hłazura dla maroziva, arechi kiešju, bružmiel i ekstrakt raśliny juka šydzihiera. Pa ŭsich hetych tavarach užo zaklučany biržavyja ździełki.
Pradstaŭniki biržy padkreślili, što na placoŭcy niama «vypadkovych» tavaraŭ. Uklučeńnie luboj novaj pazicyi ŭ pieralik dapuščanych da biržavych tarhoŭ — heta vynik hłybokaha analizu rynku i kompleksnaj acenki tavaru pavodle kryteryjaŭ zapatrabavanaści, likvidnaści i maštabavanaści.
Pavodle danych BUTB, za studzień — krasavik suma ździełak pa realizacyi charčovaj syraviny na ŭnutranym rynku dasiahnuła 47 młn rubloŭ, što ŭ 1,7 raza bolš za anałahičny pakazčyk 2025 hoda. Za hety pieryjad ździełki pa kupli tavaraŭ dadzienaj hrupy ździejśnili 68 kampanij, a pa prodažy — 132. U studzieni — krasaviku 2025 hoda takich kampanij było 53 i 81 adpaviedna.
Darečy, u hetym hodzie najbolšyja abjomy prodažaŭ pryjšlisia na rafinavany alej, kompleksnyja charčovyja dabaŭki, zakvasku dla vytvorčaści małočnych praduktaŭ, fruktovaje i aharodninnaje piure, charčovuju łaktozu, piekcin, biarozavy sok i aramatyzatary.
Ciapier čytajuć
«A 4‑j hadzinie nočy my zrazumieli, što sierviery prosta vyčyščanyja». Jarasłaŭ Ivaniuk raskazaŭ padrabiaznaści pra ataku na anłajn-biblijateku «Kamunikat»1111
Kamientary