Siłaviki zatrymali aktyvista biełaruskaj dyjaspary Maskvy — jon pisaŭ listy palitviaźniam
Paviedamlajecca, što mužčyna pryjechaŭ z rasijskaj stalicy ŭ Biełaruś, dzie jaho zatrymali.
Na videa, jakoje apublikavali siłaviki, mužčyna kaža, što źjaŭlajecca hramadzianinam Rasii, pracuje ŭ NDI «Uschod».
Jon byŭ padpisany na hrupu «Biełarusy Maskvy», udzielničaŭ u akcyjach dyjaspary la pasolstva Biełarusi ŭ rasijskaj stalicy.
Taksama mužčyna skazaŭ, što arhanizoŭvaŭ adzinočny pikiet suprać vajny va Ukrainie i pisaŭ listy palitviaźniam. Akramia taho, mužčynu, miarkujučy z usiaho, abvinavačvajuć u tym, što ŭ jaho znajšli ślady bota «Pieramoha» i reposty ź niezaležnych ŚMI i kanałaŭ.
Blizki da siłavikoŭ kanał paviedamlaje, što zatrymanaha čakaje kryminalnaja sprava. Adnak nieviadoma, pa jakim artykule.
Kamientary