Paśla dvuch hadoŭ źniavoleńnia vyjšaŭ na svabodu homielski bard Alaksiej Iljinčyk
Jon całkam adbyŭ pakarańnie i vyjšaŭ na volu 31 žniŭnia 2024 hoda.
U červieni 2022 h. Alaksiej Iljinčyk viarnuŭsia ŭ Homiel, a 18 žniŭnia jaho zatrymali. Pra heta stała viadoma z praŭładnaha TH-kanała, jaki raspavioŭ, što bard zatrymany za kamientary ŭ sacyjalnych sietkach, piša «Homielskaja viasna».
Nie zvažajučy na kiepski stan zdaroŭja, jaho źmiaścili ŭ SIZA-3 h. Homiela, abvinavaciŭšy pa 3-ch artykułach Kryminalnaha kodeksa RB: častcy 1 artykuła 130 «Raspalvańnie rasavaj, nacyjanalnaj, relihijnaj ci inšaj sacyjalnaj varožaści ci varažniečy», č. 2 art. 367 «Paklop u dačynieńni da Łukašenki» i č. 1 art. 368 «Abraza Łukašenki».
28 sakavika 2023 h. sudździa Homielskaha abłasnoha suda Chłyščankoŭ Alaksiej prysudziŭ Iljinčyku 2,5 hady pazbaŭleńnia voli ŭ kałonii va ŭmovach ahulnaha režymu. Prysud abskardžvaŭsia ŭ Viarchoŭnym Sudzie, ale jaho pakinuli bieź źmienaŭ, paśla čaho palitviazień byŭ etapavany ŭ PK № 14, što ŭ v. Navasady Barysaŭskaha rajona Minskaj vobłaści.
«A 4‑j hadzinie nočy my zrazumieli, što sierviery prosta vyčyščanyja». Jarasłaŭ Ivaniuk raskazaŭ padrabiaznaści pra ataku na anłajn-biblijateku «Kamunikat»99
Kamientary