Maks Korž chacieŭ zładzić «mahutny adryŭ» u Kazachstanie. Ale ŭmiašaŭsia futboł
Śpiavak Maks Korž abviaściŭ pra admienu kancerta, jaki pavinien byŭ pavodle pieršapačatkovych płanaŭ adbycca ŭ kastryčniku na Centralnym stadyjonie ŭ Ałmaty. Aficyjnaj pryčynaj hetaha nazyvajecca supadzieńnie zapłanavanaj daty kancerta z važnymi futbolnymi matčami.
«Braciki i siastryčki! Rabili ŭsio mahčymaje, kab paśpieć z vami sustrecca sioleta, ale na hety raz udača nie na našym baku. Pa techničnych pryčynach praviadzieńnie kancerta nie ŭjaŭlajecca mahčymym. Uvieś čas uspłyvajuć matčy, jakija nie dajuć dastatkovaj kolkaści dzion, kab padrychtavać usio da mahutnaha adryvu.
Prosim prabačeńnia za niazručnaści. Ubačymsia ŭžo ŭ nastupnym hodzie», — napisaŭ Korž u instahramie, acharaktaryzavaŭšy samu ideju pravieści kancert u Ałmaty jak «ach**nnuju».
Jak nahadvaje «Trybuna», pieršapačatkova kancert pavinien byŭ adbycca 28 vieraśnia, ale byŭ pieraniesieny z-za praviadzieńnia 29 vieraśnia finała Kubka Kazachstana, za trafiej u jakim «Atyrau», dzie hulajuć biełarusy Jahor Chatkieviča, Ihar Stasievič, Mikita Ściapanaŭ i Mikałaj Sihnievič, budzie zmahacca z «Aktabe» Dźmitryja Biaśśmiertnaha.
Na źmienienuju datu kancerta, 5 kastryčnika, Centralny stadyjon budzie zaniaty matčam 22-ha tura čempijanatu Kazachstana pamiž «Kajratam» ź biełarusam Alaksandram Martynovičam i «Aktabe».
Taksama niezadoŭha da płanavanaha kancerta, 3 kastryčnika, na arenie ŭ Ałmaty adbudziecca sustreča hrupavoj stadyi Lihi kanfierencyj, u jakoj «Astana» jašče adnaho biełarusa, Maksa Ebonha, prymie sierbski TSC.
Ciapier čytajuć
Minčanka Anhielina, jakaja vyprasiła ŭ Łukašenki kvateru za trajniat, upieršyniu pakazała toj padarunak15
Minčanka Anhielina, jakaja vyprasiła ŭ Łukašenki kvateru za trajniat, upieršyniu pakazała toj padarunak
«Čamu my pavinny niejak uščemlivać siabie?». Dyrektarka RTBD patłumačyła, čamu pastaviła śpiektakl pavodle Puškina ŭ adnym z apošnich teatraŭ krainy, jaki pracavaŭ pa-biełarusku6060
Kamientary