Zatrymanaja ŭ Armienii biełaruska ŭžo moža svabodna pakinuć krainu
Hienprakuratura Armienii źniała abmiežavańni na pieramiaščeńnie hramadzianki Biełarusi Dzijany Maisiejenki, pryznaŭšy palityčnuju matyvacyju jaje pieraśledu na radzimie. Pra heta «Lusterku» paviedamiŭ daradca pa pravavych pytańniach Ofisa Śviatłany Cichanoŭskaj Leanid Marozaŭ.
Pa słovach Leanida Marozava, infarmacyju ab źniaćci abmiežavańniaŭ na pieramiaščeńnie dla Dzijany Maisiejenki Ofisu Śviatłany Cichanoŭskaj nakiravali Hienieralnaja prakuratura i Ministerstva ŭnutranych spraŭ Armienii.
«Jurydyčnaja kamanda Ofisa Śviatłany Cichanoŭskaj atrymała infarmacyju ab zatrymańni ŭ Armienii hramadzianki Biełarusi Dzijany Maisiejenki ad advakata Alesia Michaleviča ŭ paniadziełak 2 vieraśnia, — tłumačyć Leanid Marozaŭ. — My adrazu ž pačali pracavać pa hetaj spravie i źviazalisia z uładami Armienii — Administracyjaj prezidenta i Hienieralnaj prakuraturaj. My nakiravali im dakumient pra niepravamiernyja dziejańni režymu Łukašenki i palityčnyja spravy, jakija raspačynajucca ŭ dačynieńni da biełarusaŭ dla palityčnaha pieraśledu».
Sa słoŭ Marozava, praktyčna adrazu armianskija ŭłady paabiacali, što nie buduć vydavać Dzijanu Maisiejenku ŭ Biełaruś, ale žančyna nie mahła pakinuć terytoryju Armienii. Siońnia hetyja abmiežavańni ź biełaruski byli źniatyja.
«U sieradu 4 vieraśnia my atrymali paviedamleńnie ad Hienieralnaj prakuratury Armienii ab tym, što hetaje viedamstva bolš nie maje pretenzij da hramadzianki Biełarusi, pakolki abvinavačvańni suprać Dyjany nie ličacca kryminalna karanymi pavodle miascovaha zakanadaŭstva, — raskazaŭ «Lusterku» Marozaŭ. — Hienprakuratura taksama źviarnułasia da Ministerstva ŭnutranych spraŭ krainy z prośbaj źniać ź Dzijany Maisiejenki abmiežavańni na vyjezd z Armienii. My spadziajemsia na chutkaje paćviardžeńnie MUS ab tym, što prośba Hienprakuratury zadavolenaja, i Dzijana moža svabodna pakidać i viartacca ŭ Armieniju».
Dzijana Maisiejenka pieradumała prasić prytułak u Armienii
«Ja nibyta prachodžu pa spravie taty». Dzijana Maisiejenka akazałasia dačkoj byłoha palitviaźnia
Biełaruska Dzijana Maisiejenka, zatrymanaja ŭ Armienii za ŭdzieł u pratestach-2020, užo na voli
«My nie viedali, što Dzijana ŭ vyšuku». Siabar biełaruski, zatrymanaj u Armienii, raskazaŭ, jak heta było
U Armienii zatrymali biełarusku za ŭdzieł u pratestach-2020
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu1515
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu15
«Ja skazaŭ na videa, što mianie nie katujuć — na toj momant heta było praŭdaj. A praź dźvie hadziny mianie źbili». Ukrainski žurnalist dva hady pravioŭ u rasijskim pałonie — voś što jon pieražyŭ11
Kamientary