Sacsietki abmiarkoŭvajuć vyhlad Michałka na apošnich kancertach FOTA
Śpiavak Siarhiej Michałok z «Lapisami» ciapier daje kancerty va Ukrainie: 1 vieraśnia jon vystupiŭ u Kijevie, 2-ha ŭ Adesie, 6-ha ŭ ich hastrolnym hrafiku zapłanavana Umań. Na minułych vystupach jak sami hledačy, tak i karystalniki ŭ internecie zaŭvažyli, što śpiavak praciahvaje stračvać formu.
«Spačatku padumaŭ, što heta niechta kavier na «Lapisaŭ» śpiavaje, ale pryhladzieŭsia, a heta sapraŭdny Michałok. Viartajecca ŭ toj stan, ź jakoha pačynaŭ», — napisaŭ adzin z karystalnikaŭ u sietcy Ch.
Spačatku padumaŭ, što heta niechta kavier na Lapisaŭ śpiavaje, ale pryhladzieŭsia, a heta sapraŭdny Michałok.
Viartajecca ŭ toj stan, ź jakoha pačynaŭ. pic.twitter.com/SEw2k16PMk
«Kancert-rasčaravańnie», «Takoje ŭražańnie, što jon nie maje žadańnia vystupać», «Heta byŭ Michałok? Dzie raniejšaja enierhija?» — zadajucca pytańniem prychilniki.
«U nas navat ludzi kazali, što heta nie jon, a tak — zalotny dvajnik, šmat chto pajšoŭ z kancerta», — padzialilisia mierkavańniem hledačy, jakija naviedali kancert «Lapisaŭ» u inšaj krainie.
Častka fanataŭ pažadała Siarhieju razabracca z prablemami i viarnuć raniejšuju formu: «Da Michałka-1994 nichto nazad nie choča. Słava Ukrainie i Žyvie Biełaruś!».
Na pieramieny ŭ źniešnaści artysta źviarnuli ŭvahu jašče viasnoj. Za svaju karjeru Michałok nie raz radykalna mianiaŭ vyhlad: byŭ i puchłym bałahuram, i kačkom.
Varta adznačyć, što paśla chvali krytyki mahčymaść kamientavańnia ŭ aficyjnym akaŭncie «Lapisaŭ» u instahramie pačali abmiažoŭvać.
«A 4‑j hadzinie nočy my zrazumieli, što sierviery prosta vyčyščanyja». Jarasłaŭ Ivaniuk raskazaŭ padrabiaznaści pra ataku na anłajn-biblijateku «Kamunikat»99
Kamientary
kraj haścinca staroha,
ja saskufiŭsia trochu
ja chvilinku pasplu