Biełhidramiet: Minuły žnivień staŭ adnym z samych haračych z 1945 hoda
Biełaruskija mietearołahi dali acenku apošniamu miesiacu leta.
Siaredniaja tempieratura pavietra ŭ Biełarusi ŭ žniŭni skłała plus 19,9 hradusa, heta na 1,9 hradusa vyšej za klimatyčnuju normu, havorycca ŭ ahladzie Biełhidramieta, piša «Sputnik».
«Jon (žnivień 2024 hod) zaniaŭ 5-je miesca ŭ ranžyravanym šerahu nazirańniaŭ ad samaha ciopłaha da samaha chałodnaha, pačynajučy z 1945 hoda», — adznačyli śpiecyjalisty.
Prykładna takaja ž karcina była ŭ 2010, 2022 i 2023 hadach, a voś u 90-ja hady minułaha stahodździa žnivień amal zaŭsiody byŭ chaładniejšy za normu.
Na hety raz bolš za ŭsio słupok termomietra padniaŭsia ŭ Hrodzienskaj vobłaści, dzie siaredniaja tempieratura ŭ vyniku była na 2,1 hradusa ciaplej, čym zvyčajna. U Viciebskaj vobłaści adchileńni byli najmienšymi — 1,7.
Kali pačatak žniŭnia 2024 hoda byŭ usio ž taki chaładniejšym (na 0,8 hradusa nižej za normu), to ŭžo ŭ druhoj dekadzie tempieratura była vyšej za zvyčajnuju na 1,6.
Vielmi ciopłaj była treciaja dekada — na 4,7 hradusaŭ ciaplej za normu.
Jak praviła, dniom pa krainie pavietra prahravałasia da 20-25 ciapła, a ŭ druhoj pałovie miesiaca — da +30 i vyšej. Maksimum byŭ (plus 35,1) zafiksavany dniom 19 žniŭnia pablizu harpasiołka Akciabrski i ŭ rajonie Lelčyc.
«U asobnyja sutki ŭ druhoj i treciaj dekadach miescami pa krainie byli zarehistravanyja trapičnyja nočy», — adznačana ŭ ahladzie.
Heta značyć, u hetyja nočy termomietr pakazvaŭ nie nižej za 20 hradusaŭ ciapła.
Ciapier čytajuć
SK apublikavaŭ videazapis padzieńnia bieśpiłotnika. Na abłomkach pakazali ŭkrainskija nadpisy33
SK apublikavaŭ videazapis padzieńnia bieśpiłotnika. Na abłomkach pakazali ŭkrainskija nadpisy
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje88
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje8
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć1414
Kamientary