Dopis z adnym ź miemaŭ nabraŭ užo bolš za miljon prahladaŭ u tvitary, a stvaralnika aryhinała zabłakavali za parušeńnie pravił.
Miem z synam biełaruskaha palityka apublikavaŭ u tvitary karystalnik ShitpostGateway, jaki źbiraje, miarkujučy pa naźvie, drenny kantent.
Na karcincy mužčyna siaredniestatystyčnaj źniešnaści ŭ akularach pad ściahami Hiermanii, Italii i ZŠA zajaŭlaje «Vy nie biełyja, vy łacinasy».
Jamu adnym svaim vyhladam adkazvaje Kola Łukašenka, jaki maje «aryjskuju» źniešnaść sa śvietłymi vałasami i surovymi, pravilnymi rysami tvaru.
Praŭda, vakoł Łukašenki ściahi Arhienciny, Uruhvaja i sieparatysckaha ruchu «Poŭdzień — maja kraina», jaki vystupaje za niezaležnaść Paŭdniovaha rehijona Brazilii. Rasisty ličać hetyja rehijony samymi «čystymi» ŭ Łacinskaj Amierycy, bo ŭ XIX — pieršaj pałovie XX stahodździa siudy pierajechała šmat mihrantaŭ niamieckaha, italjanskaha i słavianskaha pachodžańnia. U vyniku intensiŭnaha «adbielvańnia» nasielnictva ŭdzielnaja vaha mietysaŭ i ciemnaskurych tut niaŭchilna źnižajecca.
Ale pry čym tut syn biełaruskaha palityka?
Hety miem byŭ pierarobleny patahonskimi nacyjanalistami (tak, isnuje i takoje) z raniejšaha, u jakim mužčyna pad ściahami Francyi, Italii i Bielhii kazaŭ, što «vy nie biełyja, a słavianie», a jamu hetak ža biez słoŭ adkazvaŭ Łukašenka-małodšy pad ściahami Polščy, Biełarusi i Rasii.
Upieršyniu hety miem byŭ apublikavany ŭ tvitary ŭ červieni 2024 hoda karystalnikam z Polščy pad nikam @realxero02. Raniej chłopiec staŭ fihurantam skandału, kali zajaviŭ, što jaho adličyli z Hdańskaha miedycynskaha ŭniviersiteta za «nibyta transfobiju». Siońnia jahony akaŭnt zabłakavany za parušeńnie pravił sajta.
Ciapier čytajuć
Deputatka, jakaja rychtuje pryhažuń dla Łukašenki, vyjšła zamuž16
Kamientary
Hałoŭnaha miema pra "tvoj baćka fašyst" na Zachadzie nie viedajuć, na žal. Dy i jabłyk akazaŭsia taki ž hniły, jak jabłynia. Ź vintoŭkaj na mirnych suhramadzian - zusim ku-ku.