Da prezidenckich vybaraŭ 5 listapada zastajecca bolš za miesiac, ale niekatoryja amierykancy ŭžo vystrojvajucca ŭ čarhu, kab addać svaje hałasy za kandydataŭ, paviedamlaje «Hołas Amieryki».
U piatnicu ŭ amierykanskich štatach Virdžynija, Paŭdniovaja Dakota i Miniesota pačałosia daterminovaje vočnaje hałasavańnie, padčas jakoha vybarščyki vybirajuć pamiž vice-prezidentam Kamałaj Charys i byłym prezidentam Donaldam Trampam.
Vočnaje hałasavańnie aznačaje kaniec žorstkaj kampanii, u jakoj za apošnija dva miesiacy Charys źmianiła prezidenta Džo Bajdena na pasadzie kandydata ad demakrataŭ, a Tramp ledź paźbieh dvuch zamachaŭ: adnaho ŭ Piensilvanii i druhoha — u niadzielu ŭ svaim holf-kłubie ŭ Fłarydzie.
Choć u minułym Tramp časta vykazvaŭ skieptyčnaje staŭleńnie da daterminovaha hałasavańnia, sioleta Respublikanski nacyjanalny kamitet padtrymaŭ hetuju kancepcyju jak važny sposab sabrać hałasy zahadzia, pakolki nadvorje i inšyja faktary mohuć paŭpłyvać na jaŭku ŭ dzień vybaraŭ 5 listapada.
Demakraty skarystalisia mahčymaściu daterminovaha hałasavańnia na apošnich vybarach, sabraŭšy pry hetym miljony hałasoŭ.
Pa danych prajekta «Vybary ŭ ZŠA» Univiersiteta Fłarydy, u 2018 hodzie na demakrataŭ pryjšoŭsia 41% daterminovych hałasoŭ u 24 štatach, jakija pradastaŭlajuć dadzienyja pa partyjnaj prynaležnaści, u paraŭnańni z 35,1% u respublikancaŭ.
U 2022 hodzie hety razryŭ pavialičyŭsia: na demakrataŭ pryjšłosia 42,5% daterminovych biuleteniaŭ, a na respublikancaŭ — 33,8%.
U kožnym z 50 štataŭ krainy isnujuć svaje pracedury hałasavańnia: daterminovaje hałasavańnie pa pošcie ci asabista, hałasavańnie ŭ dzień vybaraŭ abo kambinacyja hetych troch sposabaŭ. Akramia vybaru nastupnaha prezidenta vybarščyki taksama addajuć svaje hałasy na miascovych i rehijanalnych vybarach.
Ciapier čytajuć
«Jana hadami ciarpieła, a paśla adzin raz udaryła muža nažom — hetaha chapiła, kab zabić»2
Kamientary