Ukrainski Hienštab paćvierdziŭ paražeńnie dvuch važnych rasijskich vajskovych arsienałaŭ
Hienieralny štab Uzbrojenych Sił Ukrainy paćvierdziŭ, što USU ŭdałosia nanieści paśpiachovyja ŭdary pa dvuch vajskovych arsienałach Uzbrojenych sił RF.
Jak adznačajecca, siońnia, 21 vieraśnia, nočču było naniesiena ahniavoje paražeńnie pa arsienale «Cichareck», raźmieščanym u Krasnadarskim krai RF.
«Hety abjekt uvachodzić u trojku najbujniejšych baz zachoŭvańnia bojeprypasaŭ akupantaŭ i źjaŭlajecca adnym z klučavych elemientaŭ u łahistyčnaj sistemie rasijskich vojskaŭ.
Pa najaŭnaj infarmacyi, na momant udaru na terytoryi arsienała znachodziŭsia čarhovy ešałon, jaki dastaviŭ jak minimum 2 tysiačy ton bojeprypasaŭ, u tym liku z KNDR. Taksama była atakavanaja radyjołakacyjnaja stancyja «Padlot», jakaja vyjaŭlała pavietranyja celi ŭ kirunku arsienała», — paviedamlaje ŭkrainski Hienštab.
Akramia taho, jak adznačajecca, Słužba biaśpieki Ukrainy naniesła ŭdar pa 23-m arsienale Hałoŭnaha artyleryjskaha ŭpraŭleńnia Ministerstva abarony RF pablizu nasielenaha punkta Akciabrski ŭ Ćviarskoj vobłaści.
«Zafiksavanyja pažar i detanacyja ŭ rajonach abodvuch vajskovych arsienałaŭ. Zadačy byli paśpiachova vykananyja ŭ supracoŭnictvie padraździaleńniaŭ sił abarony: Sił bieśpiłotnych sistem, Sił śpiecyjalnych apieracyj Uzbrojenych sił Ukrainy, Słužby biaśpieki Ukrainy i inšych», — zajaŭlaje Hienštab.
Ciapier čytajuć
Sofja Sapieha: Pratasievič nahavaryŭ na mianie ceły tom kryminalnaj spravy38
Sofja Sapieha: Pratasievič nahavaryŭ na mianie ceły tom kryminalnaj spravy
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary