Minimum 5 000 čałaviek zahinuli padčas pratestaŭ u Iranie, u tym liku kala 500 supracoŭnikaŭ sił biaśpieki, paviedamiŭ ananimna iranski čynoŭnik ahienctvu Reuters.
Jon taksama adznačyŭ, što adny z samych žorstkich sutyknieńniaŭ i najbolšaja kolkaść śmierciaŭ zafiksavany ŭ kurdskich rajonach na paŭnočnym zachadzie Irana.
Toj čynoŭnik abvinavaciŭ «terarystaŭ i ŭzbrojenych pahromščykaŭ» u zabojstvie «nievinavatych irancaŭ».
Nahadajem, dniami viarchoŭny lidar Irana ajatała Ali Chamieniei ŭpieršyniu publična pryznaŭ, što padčas masavych pratestaŭ u krainie zahinuli tysiačy ludziej. Pry hetym jon uskłaŭ adkaznaść za padziei na ZŠA i Izrail, abvinavaciŭšy ich u padbuchtorvańni narodnych vystupleńniaŭ, asobna zhadaŭšy prezidenta ZŠA Donalda Trampa.
Masavyja pratesty ŭ Iranie pačalisia 28 śniežnia 2025 hoda. U pačatku studzienia jany dasiahnuli najbolšaha maštabu: masavyja vystupleńni achapili amal usie pravincyi, miljony ludziej vyjšli na vulicy z patrabavańniami źviaržeńnia režymu. Najbolš žorstkija sutyknieńni adbylisia z 8 pa 12 studzienia, kali siły biaśpieki, pavodle roznych acenak, zabili ad niekalkich tysiač da dziasiatkaŭ tysiač čałaviek.
Paśla chvali represij aktyŭnaść pratestaŭ značna źniziłasia: u haradach źjavilisia ŭzbrojenyja patruli, a infarmacyja z krainy amal pierastała pastupać. Na fonie hetych padziej ZŠA razhladali mahčymaść vajennaha ŭdaru pa Iranie, adnak paźniej Tramp admoviŭsia ad takoha kroku, zajaviŭšy, što atrymaŭ zapeŭnieńni ab spynieńni masavych zabojstvaŭ.
-
U Indaniezii pieraviarnuŭsia pasažyrski parom z 243 pasažyrami na borcie: 130 čałaviek źnikli bieź viestak
-
Lidarka «Alternatyvy dla Hiermanii» zapatrabavała vysłać ukrainskich mužčyn i vystavić Kijevu rachunak za škodu
-
Jemienskija chusity zachapili stratehičnyja astravy Bab-el-Mandebskaha praliva. Adzin z najbujniejšych handlovych šlachoŭ faktyčna apynuŭsia pad kantrolem bajevikoŭ
Ciapier čytajuć
Viktar Łukašenka zaśviaciŭ na pasiadžeńni NAK svoj hadzińnik — ciažki luks26
Viktar Łukašenka zaśviaciŭ na pasiadžeńni NAK svoj hadzińnik — ciažki luks
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki1919
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki19
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu88
Kamientary