Paźniak nazvaŭ supolny intares Hiermanii i Rasii. Heta anieksija Biełarusi
Vieteran biełaruskaj palityki Zianon Paźniak apublikavaŭ novy post «Ab roli najomnikaŭ u palitycy», u jakim vystupiŭ z rezkaj krytykaj Ofisa Śviatłany Cichanoŭskaj i jeŭrapiejskaj dypłamatyi. Jon nazyvaje pradstaŭnikoŭ demakratyčnych sił «najomnikami», jakija, na jaho dumku, źjaŭlajucca instrumientam niamieckaj palityki, skiravanaj na likvidacyju biełaruskaj dziaržaŭnaści praz sajuz z «demakratyčnaj Rasijaj».
Paźniak śćviardžaje, što Hiermanija zacikaŭlenaja ŭ dałučeńni Biełarusi da Rasii dziela atrymańnia tannaha dostupu da enierharesursaŭ. Ofis Cichanoŭskaj jon nazyvaje «proksi-hrupaj», jakaja finansujecca Jeŭraźviazam dla realizacyi hetaj stratehii.
«Sutnaściu niamieckaj pazicyi źjaŭlajecca likvidacyja biełaruskaj dziaržavy šlacham uklučeńnia jaje ŭ skład Rasiei.
Ekanamičnym intaresam takoj palityki jeść tanny dostup da rasiejskich enierharesursaŭ — nafty i hazu.
Palityčnym intaresam — źjaŭlajecca cisk na Polšču (vyrašeńnie zastarełych i pastajannych prablemaŭ).
Mietadam — źjaŭlajecca padtrymka baraćby suprać dyktatury šlacham stvareńnia zaležnaj ad Niamieččyny (Jeŭraźviazu) antyrežymnaj i prarasiejskaj apazicyi ŭ Biełarusi.
Pryładaj, instrumientam likvidacyi źjaŭlajecca abstraktnaje patrabavańnie demakratyi biez uliku biełaruskich nacyjanalnych intaresaŭ i nacyjanalnaha isnavańnia z metaj złučeńnia z «demakratyčnaj» Rasiejaj, jakuju raniej falšyva nazyvali «demakratyjaj», — piša Paźniak.
Palityk ličyć, što ekanamičnyja sankcyi nie źniščajuć dyktaturu, a tolki šturchajuć biełaruskuju ekanomiku i hramadstva ŭ bok Rasii.
Paźniak vinavacić jeŭrapiejskich lidaraŭ u tym, što jany vykarystoŭvajuć z hetych met «fikcyju fihury Śviatłany Cichanoŭskaj u jakaści nibyta vybranaj asoby na prezidenta Biełarusi».
«Dziejańni jeŭraźviazaŭskaj palityki Niamieččyny pradumanyja sistemna i tradycyjna. Z 2020 hoda Jeŭraźviaz uziaŭ pad finansavaje zabieśpiačeńnie vyviezienuju ŭ Letuvu hrupu prarasiejskaj hazpramaŭskaj elektaralnaj apazicyi. Prytym, była śviedama padtrymana fikcyja fihury Śviatłany Cichanoŭskaj u jakaści nibyta vybranaj asoby na prezidenta Biełarusi (što realna i jurydyčna ničym nie było paćvierdžana). Palityčny śpiektakl z «prezidentkaj» razyhryvaŭsia piać hadoŭ i, faktyčna, jašče praciahvajecca pa siońniašni dzień», — piša Paźniak.
Palityk kaža, što kamanda Cichanoŭskaj patrabuje sankcyj, jakija škodziać narodu, kab paźniej «ujechać u Biełaruś na plačach jeŭrapalitykaŭ» — «kab u čas upadku režymu Łukašenki i raptoŭnych pieramien jeŭraźviazaŭskim palityčnym dziejačam možna b było lehalna ŭjechać na plačach svajoj najomnaj «apazycyi» ŭ Biełaruś i ŭstanaŭlivać tam «demakratyju» — biez nacyi i bieź Biełarusi».
«Dobra zrazumieła, što tam, dzie ŭ Biełarusi źjaŭlajecca Niamieččyna (Jeŭraźviaz), — tam užo budzie i Rasieja, i supolnyja intaresy, jakija zvyčajna pryvodziać da palityki anieksii pad vyhladam abjadnańnia z «demakratyčnaj Rasiejaj». Hetakaja palityka Niamieččyny suprać Biełarusi pad dacham Brusela daŭno ŭžo, jak kažuć, jeść sakretam Pališyniela», — davodzić Paźniak.
Ale, piša vietieran biełaruskaha ruchu, «najomniki» nie majuć šancaŭ na pośpiech u budučyni, i ŭ krainie ich «nichto nie čakaje».
«Značeńnie maje finał najomnictva — kudy jany chočuć pryjechać i kaho z saboj pryvieźci, — jakija buduć vyrašać los Biełarusi «vmiestie s Rośsijej». Ja ŭžo nie kažu pra paralelnyja chvaroby zachodniaha hramadstva (jakija «pryjeduć» uśled), — pryjarytety pałavoj zbočanaści, hiedanizm, biazbožža dy maralnaje abdureńnie hramadstva. Ale kali paŭstanie rečaisnaść «vmiestie s Rośsijej», tady heta ŭsio ŭžo nie budzie mieć značeńnia.
Tut paŭtarusia. Škody najomniki jašče mohuć narabić. Tolki z zadumanaha suprać Biełarusi ničoha nie atrymajecca. Nichto ich u Biełarusi nie čakaje. I tym bolš ichnych jeŭra-niamieckich pijarščykaŭ, jakija nahadzili biełarusam svaimi ekanamičnymi sankcyjami. Pakińcie navat nadziei, panovie jeŭra-palityki, u volnaj Biełarusi panam nie budzie čaho rabić.
U Biełarusi jość siły, jakija zdolnyja pasadzić najomnych imitataraŭ za kraty, jak tolki jany stupiać nahoj na ziamlu. Taksama jość rečy, jakija niemcam — nie zrazumieć. Bo nie dadziena», — napisaŭ Paźniak.
Ciapier čytajuć
«Ženia pahadziŭsia na budoŭlu, a nie vajavać. I tolki kali vyjdzie z zapoju!»: jak pradali ŭ rasijskuju armiju žychara Lozna. Achviara nie adna6
Kamientary
U kancy 80 ch pačatku 90ch kdb infiltravali u nacyalna vyzvolnyja struktury
Raniej zaraz jašče bolej času ))
Asensavał paśla źjaŭleńnia znoŭ viecierana 80- 90 ch usio jaho słovy dziejańnia nakiravany na raźjadnańnie razbureńnie źviazaŭ abjadnańniaŭ hańbavańnie Asob lideraŭ usich
Dziejańnia taksama ..usio prasr..na
I siońniašni ŭzrost heta ni indulhiencyja jon zaŭsiody był taki
Toje što jon kaža havat " ahient upłyva vniedrieńnia" ni zdolny zrabić niejki Azef Adkul jon na našu hałavu uspłyło
I čto u + " staćcia ab impieryaliźmi" Kurapaty..