68‑hadovuju biblijatekarku ź Biełarusi sudziać u Rasii za danaty Fondu Navalnaha
U rasijskim Pskovie pierad sudom stanie 68‑hadovaja biblijatekarka rodam z Homielščyny, jakuju abvinavačvajuć u finansavańni ekstremisckaj arhanizacyi. Jak paviedamlaje vydańnie «Pskovskaja hubiernija» sa spasyłkaj na pres-słužbu sudoŭ Pskoŭskaj vobłaści, kryminalnaja sprava ŭžo pieradadziena ŭ sud, zaŭvažyŭ telehram-kanał «Vitiebsk, ja hulaju!»
Abvinavačanaja — Marharyta Fieliksaŭna Palavaja, uradženka pasiołka Uvaravičy Buda-Kašaloŭskaha rajona. Jana pracavała ŭ Pskoŭskaj abłasnoj univiersalnaj biblijatecy.
U kancy listapada 2025 hoda jaje ŭklučyli ŭ rasijski śpis «ekstremistaŭ i terarystaŭ» Raśfinmanitorynhu. Raniej Palavaja nieadnarazova publična vystupała ŭ abaronu histaryčnaha abličča Pskova, krytykujučy parušeńni achoŭnych zon u staroj častcy horada.
Śledstva śćviardžaje, što žančyna nieadnarazova pieraličvała hrošy ŭ Fond baraćby z karupcyjaj (FBK), zasnavany Alaksiejem Navalnym. Mienavita hetyja achviaravańni stali padstavaj dla kryminalnaha pieraśledu.
Sudovy praces pačniecca 26 studzienia ŭ Pskoŭskim haradskim sudzie. Pavodle inkryminavanaha artykuła, Marharycie Palavoj pahražaje ad troch da vaśmi hadoŭ pazbaŭleńnia voli. Praŭda, kali pašancuje, pakarańnie moža abmiežavacca i štrafam.
Eks-žurnalistka dziaržaŭnych ŚMI, jakaja źbirała danaty na ježu, akazałasia dačkoj supracoŭnika KDB. U jaho navat jość pašpart prykryćcia
Sudovaha ekśpierta aryštavali za danaty i «zdradu dziaržavie»
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»
Cichanoŭskaja addała 15 tysiač jeŭra ad Łukašenki na padtrymku palitviaźniaŭ
Byłoha supracoŭnika kontrraźviedki KDB aryštavali za zdradu dziaržavie9
Kamientary