Lepiać mahiłki dy saromiać u tyktoku: jak biełarusy zmahajucca za rasčyščanyja ad śniehu miescy

U 2026 hodzie ludzi (na ščaście ci nie) čaściej vybirajuć nie svarycca na vulicy, a apublikavać videa z asudžeńniem u tyktoku. I časam takaja stratehija spracoŭvaje.

Naprykład, Źmicier sa Śvietłahorska apublikavaŭ rolik, dzie z abureńniem raspavioŭ pra susieda na BMW, jaki zaniaŭ pačyščanaje miesca.

Na nastupny dzień mužčyna daŭ spravazdaču: susied-taki vyjšaŭ z šuflem papracavać u dvor — jon ubačyŭ videa ŭ tyktoku i vyrašyŭ pačyścić parkovačnaje miesca.

@dima_zhirenkov

♬ orihinalnyj zvuk - Dima Žirienkov

Hamialčuk, padpisany ŭ tyktoku jak Ivanyč, raspavioŭ pra svoj łajfchak: zranku jon čyścić parkovačnaje miesca, ale śpiecyjalna robić pierad im hurbu i ŭtykaje ŭ jaho šufiel — kaža, šłahbaum taki. Vynikam zadavoleny: «Za dzień nichto nie staŭ — bo lanota čyścić».

@ivanovich_by počiemu,tie kto nie čistit zimoj parkovočnoje miesto vo dvorach,striemitsia stať imienno na rasčiŝiennoje??? Ono to i nie žałko,no Soviesť vied́ dołžna byť☝️#ivanyč #homiel #biełaruś #novyjhod ♬ orihinalnyj zvuk - MUZON TV

Anton ź Viciebska razzłavaŭsia na ludziej ź inšych dvaroŭ, jakija zajmajuć rasčyščanuju parkoŭku pobač ź jaho domam. Mužčyna pakazaŭ, jak śpiecyjalna nasypaje hurbu pierad čužym aŭtamabilem. «Kali stamiŭsia čyścić parkovačnaje miesca dla chłopcaŭ nie z našaha dvara», — padpisaŭ videa Anton.

@anton_bulanov #zima #vitiebsk #fy #fyp #riekomiendaciitiktok ♬ original sound - Cici Zhu

Viciabčuk Alaksiej zrabiŭ ekśpierymient: pačyściŭ parkoŭku i pastaviŭ tam butelku z vadoj, da jakoj prymacavaŭ zapisku z prośbaj nie zajmać miesca. Paśpiachovym jon byŭ kala 2 hadzin: ludzi pačynali parkavacca, ale bačyli papierku i źjazdžali. A potym znajšoŭsia kiroŭca, jaki praihnaravaŭ «znak».

Šmat chto ŭ kamientarach napisaŭ Alaksieju, što zaŭsiody parkujecca na volnym čystym miescy. Adkaz mužčyny byŭ kreatyŭnym. U nastupny raz na parkoŭcy jon zrabiŭ mahiłku sa śniehu: pastaviŭ kryžyk z tabličkaj «Chejtar, jaki nie čyściŭ parkovačnaje miesca». Dla praŭdapadobnaści z sumiota tyrčać mužčynskija boty.

@alexvtblife Otviet polzovatielu @HANF Prodołžajem tiemu uborki parkovočnych miest ot śnieha #biełaruś #parkovka #uborkaśnieha #vitiebsk #vitebsk ♬ O, Božie, kakoj mužčina! - Natali

Ź inšaha boku barykad taksama nie sumna. Adzin tyktokier ź Minska prademanstravaŭ, što jaho viesialić, kali ludzi sprabujuć niejak zaniać «svajo» miesca — na videa jon naŭmysna źnios kardonnuju skrynku, jakuju niechta pastaviŭ na rasčyščanaje miesca ź vidavočnaj metaj.

«Na złość parkujusia ŭ takich miescach. Pačyściŭ parkovačnaje miesca nie značyć kupiŭ!» — rastłumačyŭ mužčyna.

@tok.auto4

Vašie mnienije - v kommientarijach

♬ GTA San Andreas Theme (Remake) - Ben Morfitt (SquidPhysics)

Darečy, a ci zakonna stavić niešta na parkoŭku, kab zabić za saboj miesca? Na heta pytańnie ŭ efiry STB adkazvaŭ Alaksandr Chromčanka, načalnik adździeła arhanizacyi darožnaha ruchu i darožnaj inśpiekcyi ŭpraŭleńnia nahladnaj i rehistracyjna-ekzamienacyjnaj dziejnaści Hałoŭnaha ŭpraŭleńnia DAI MUS.

Pavialičyć

Kali koratka: nie, ziemlami ahulnaha karystańnia mohuć karystacca ŭsie — nielha stavić tablički ci viodry na miesca, jakoje čałaviek pačyściŭ ad śniehu.

Pytańnie, ci možna vyklikać DAI na čałavieka, jaki pastaviŭ svoj «šłahbaum», vyklikała ŭ Chromčanki ŭśmiešku:

— Nasamreč pieraškoda na darozie sapraŭdy jość. My, viadoma, pryjedziem i prybiarom viadro. Ale my nie budziem raźbiracca, chto i ź jakoj metaj hetaje viadro pastaviŭ. Tym bolš što viadro na parkovačnym miescy nie stvaraje toj niebiaśpieki dla darožnaha ruchu, na jakuju nieabchodna reahavać u pieršuju čarhu.

• 0
• 0
• 2
• 7
• 0
• 0
• 0
• 0