Małady niemiec tančyć pad «Kasiŭ Jaś kaniušynu» — biełaruski ŭ zachapleńni. Da hetaha jon užo sabraŭ armiju fanatak z Rasii
Niamieckija rejviery, jakija vypadkova stali kumirami rasijskich žančyn, dabralisia i da biełaruskaha kantentu. Adzin ź ich zapisaŭ rolik pad lehiendarnuju «Kasiŭ Jaś kaniušynu». Reakcyja biełarusak nie prymusiła siabie čakać.
U kancy śniežnia 2025 hoda ŭ sacsietkach zavirusiłasia videa z napaŭaholenymi niamieckimi rejvierami, jakija tančyli pad trek Vielleicht Vielleicht.
Nieviadoma, jak tak stałasia, ale videa stała vielmi papularnym u rasijskaj aŭdytoryi, dzie niamieckaje słova stali vymaŭlać jak «filaj».
Tancora Samuela Damiena rasijanki achryścili Siamionam i zavalili jaho kamplimientami na ruskaj movie. Napačatku chłopiec paprasiŭ padpisčyc nie pisać jamu na ruskaj, bo jon nie razumieje, a potym i zusim staŭ vydalać takija kamientary.
Praź niekatory čas jon i jahonyja siabry ŭsio ž vyrašyli nie admaŭlacca ad papularnaści siarod ruskamoŭnaj aŭdytoryi.
Aproč Samuela, jakoha prazvali Siamionam, papularnaść atrymali mikee.mej (Mekcho), jakoha prazvali Mišam, i t.x prince (Jannick), jakoha prazvali Ivanam.
Spačatku adzin ź ich stančyŭ pad trek «Matuška ziemla», paśla čaho ŭ «Vani» pačali źjaŭlacca videa, zapisanyja na ruskaj movie, u tym liku razam z «Mišam».
Tak zvany Vania pajšoŭ dalej i vykłaŭ rolik, dzie tancuje pad remiks «Kasiŭ Jaś kaniušynu», tym samym uzarvaŭšy ŭžo biełaruskuju aŭdytoryju. Admietna, što druhoje žyćcio lehiendarnamu treku daŭ biełaruski techna-hurt Police in Paris, dzie hraje ŭnuk Uładzimira Mulavina — Uład Mulavin.
Pad videa tysiačy kamientaroŭ ad biełarusak. Samyja papularnyja hučać tak: «U paniadziełak dojdzie da Łukašenki», «Dva miachi bulby hetamu chłopcu», «Hod biełaruskaj žančyny ŭžo akupiŭsia».
-
Kamandzir RDK Dzianis Kapuścin dakazvaŭ Dudziu, što nie jaŭrej
-
«My chacieli stvaryć vajb «Chłopčyk, harełački mnie pryniasi!» U Minsku pačała pracavać «Žanočaja piŭnaja» — aficyjanty tam adny mužčyny
-
Muž byłoj kiraŭnicy Ministerstva ŭnutranaj biaśpieki ZŠA lubić adziavać žanočaje i bambičnyja nakładnyja hrudzi
Ciapier čytajuć
Čamu YouTube vydaliŭ kanały BiełTA, STB i ANT? Voś što viadoma11
Kamientary
"Kłub adzinokich ... nu niachaj "sercaŭ" :)))