Ministr abarony Polščy: Cituacyja na miažy ź Biełaruśsiu surjoznaja, cisk uzmacniŭsia
Uładzisłaŭ Kasiniak-Kamyš zajaviŭ, što paśla žnivieńskaha zacišša kolkaść sprobaŭ nielehalna pierasiekčy biełaruska-polskuju miažu ŭzrasła.
Ministr abarony Polščy Uładzisłaŭ Kasiniak-Kamyš nazvaŭ surjoznaj situacyju, jakaja składvajecca na miažy ź Biełaruśsiu. Pavodle jaho słoŭ, cisk na miažy ŭ apošnija tydni ŭzmacniŭsia, piša wiadomosci.radiozet.pl.
«Situacyja surjoznaja. U apošnija tydni cisk na miažy ŭzros. Paśla lipienia i žniŭnia, jakija byli adnosna spakojnymi miesiacami, vierasień prynios rost kolkaści nielehalnych pierasiačeńniaŭ miažy», — adznačyŭ Kasiniak-Kamyš.
U vieraśni zafiksavana bolš za 2,5 tysiačy sprobaŭ niezakonna pierasiekčy miažu i bolš za 26 000 za apošnija dzieviać miesiacaŭ. heta stolki ž, kolki i za ŭvieś 2023 hod.
Ministr abarony raspavioŭ, što pamiežniki zatrymlivajuć kantrabandystaŭ i vykryvajuć maršruty pieramiaščeńnia mihrantaŭ.
«My budziem z hetym zmahacca biaźlitasna. Heta parušeńnie zakona i pahroza biaśpiecy polskaj dziaržavy», — dadaŭ Kasiniak-Kamyš.
U apieracyi «Biaśpiečnaje Padlašša», jakaja pravodzicca na miažy ź Biełaruśsiu, udzielničajuć 17 tysiač vajskoŭcaŭ, pamiežnikaŭ i palicejskich.
Ciapier čytajuć
Mackievič: Cichanoŭskuju źniać, zamianić, pieraabrać nielha. Nie mučajciesia. Nielha — i ŭsio28
Mackievič: Cichanoŭskuju źniać, zamianić, pieraabrać nielha. Nie mučajciesia. Nielha — i ŭsio
Fiaduta — Kaleśnikavaj: Mašańka, ci viarniciesia na Miesiac, ci nie vučycie žyć tych, chto stamiŭsia nabivać huzy ad čarhovaha nastupańnia na hrabli3737
Kamientary