Asudžanaj na 20 hadoŭ palitźniavolenaj naviesili jašče paŭtara hoda
Staŭ viadomy prysud palitźniavolenaj Volzie Majoravaj, asudžanaj raniej na 20 hod kałonii.
U sudzie Čyhunačnaha rajona Homiela ŭ sakaviku nad Volhaj adbyŭsia sud pavodle č. 2 art. 411 KK (złosnaje niepadparadkavańnie zakonnym patrabavańniam administracyi kałonii). Sudździa Hanna Sakałova pryznała žančynu vinavataj i pryznačyła joj jašče paŭtara hoda źniavoleńnia ŭ dadatak da 20 hadoŭ kałonii. Volha ŭžo adbyvaje termin u papraŭčaj kałonii № 24 u Zareččy, piša «Viasna».
Nahadajem, Volha — hramadskaja aktyvistka, raniej aktyŭnaja siabroŭka Abjadnanaj hramadzianskaj partyi. Jaje zatrymali 4 studzienia 2021 hoda ŭ svaim domie pa tak zvanaj «spravie Mikałaja Aŭtuchoviča». Jaje pryznali vinavataj pa šerahu kryminalnych artykułaŭ, u tym liku — «zamach na zachop dziaržaŭnaj ułady» (art. 357 KK).
Hrodzienski abłasny sud 17 kastryčnika 2022 hoda asudziŭ palitźniavolenuju da 20 hadoŭ kałonii i 800 bazavych vieličyniaŭ štrafu (25 600 rubloŭ). Na sudzie jana nie pryznała vinu.
Takim čynam 21,5 hoda — heta sumny rekord siarod palitźniavolenych žančyn.
-
U kabiniet hiniekołaha homielskaj palikliniki padčas ahladu žančyny zajšoŭ mužčyna-inžynier — ale vymovu zrabili nie jamu
-
22‑hadovy Viktar z-pad Klecka pratrymaŭsia na froncie miesiac. A paśla baćki pierasvarylisia, dzielačy hrabavyja
-
Słava Kamisaranka raskazaŭ, jak žyvie, kali zastaŭsia biez rasijskaha hramadzianstva
Ciapier čytajuć
22‑hadovy Viktar z-pad Klecka pratrymaŭsia na froncie miesiac. A paśla baćki pierasvarylisia, dzielačy hrabavyja9
Kamientary