Piśmieńnik i cyrulnik Siarhiej Kalenda pastryh Andreja Chadanoviča prosta na scenie FOTAFAKT
Siońnia ŭ Vilni startavała pieršaja sioletniaja častka tradycyjnaha biełaruskaha fiestyvalu intelektualnaj knihi «Pradmova». Siarod šmatlikich zajaŭlenych knižnych prezientacyj była i pryśviečanaja vychadu knihi Siarhieja Kalendy «Stryže i piša», jakuju razam z aŭtaram vioŭ viadomy paet i pierakładčyk Andrej Chadanovič.
Padčas prezientacyi Siarhiej Kalenda, jaki pa-za tvorčaj dziejnaściu zarablaje sabie na žyćcio cyrulnictvam, publična prademanstravaŭ svajo majsterstva, pastryhšy Andreja Chadanoviča prosta na scenie.
Vydadzienaja krakaŭskim vydaviectvam Hutenberg kniha «Stryže i piša» — heta niekalki dziasiatkaŭ kamičnych, a časam sumnych i navat žachlivych historyj z pracoŭnaha dośviedu cyrulnika. Piśmieńnik niekalki hadoŭ zapisvaŭ cikavyja historyi, hierojem jakich byŭ jon sam, a taksama jaho klijenty i klijentki.
Tradycyjny fiestyval «Pradmova» prachodzić sioleta ŭ čatyroch jeŭrapiejskich haradach — Vilni, Varšavie, Bierlinie i Poznani. Ź vilenskaj častki, jakaja prachodzić 5-6 kastryčnika, jon startavaŭ.
Fiestyval u Vilni adbyvajecca na placoŭcy teatra Vilniaus klasika (Vytenio, 6). Uvachod na ŭsie mierapryjemstvy volny.
Raskład možna pahladzieć na sajcie fiestyvalu, bolšaść imprez tranślujucca anłajn na Youtube-kanale PRADMOVA.
Kamientary
a ja apošnim časam stryhu siabie sama. u mianie doŭhija. i addavać niemałyja (a za doŭhija nacenka) hrošy tolki za toje, kab padstryhli končyki i pry hetym vysłuchvać, što ŭ mianie załysiny (da - byvała i takoje)), vichry i ŭvohule drennyja vałasy. dumaju - dy idzicie vy nafih. i sama - čyk-čyryk.
drennyja cyrulnicy (bo byvajuć dobryja;) zastalisia biez hrošaŭ.
zaraz šmat rolikaŭ na ju-tub u tym liku ad Majstroŭ, jakija vučać, jak zrabić navat madelnuju stryžku samoj sabie