Chakiejnaha ahienta i syna rasijskaha hałoŭnaha treniera minskaha «Dynama» Dźmitryja Kvartalnava Mikitu Kvartalnava zatrymali ŭ Minsku, paviedamlaje «Trybuna».
Pa infarmacyi vydańnia, Kvartalnaŭ-małodšy pravioŭ u źniavoleńni ŭžo troje sutak.
Telehram-kanał «Chokkiej bieź cienzury», paviedamlaŭ, što rasijanin zatrymany na 10 sutak.
Jaho baćka Dźmitryj Kvartalnaŭ pa sumiaščalnictvie treniruje zbornuju Biełarusi pa chakiei.
U Mikity Kvartalnava skandalnaja reputacyja ŭ chakiejnych kołach, jaho abvinavačvali ŭ brudnych mietadach pracy ŭ kamandach, jakimi kiravaŭ jahony baćka. Kali ŭ krasaviku 2023 hoda Dźmitryj Kvartalnaŭ uznačaliŭ «Dynama», Mikita razharnuŭ aktyŭnuju dziejnaść i ŭ Minsku, pieramaniŭšy častku hulcoŭ u inšych ahientaŭ. Faktyčna jon pasprabavaŭ uziać pad kantrol usiu sielekcyju ŭ «Dynama».
Adnak nieŭzabavie jon trapiŭ u hučny skandał. «Dynama» cikaviłasia jakasnym pa mierkach KCHŁ bramnikam Adamam Rejdebornam, ale ździełku sarvaŭ Kvartalnaŭ-małodšy. Jon prapanavaŭ bramniku pierajści ŭ «Dynama», ale tolki z umovaj, što toj pakinie svajho ahienta i stanie jaho klijentam. Pierachod, u vyniku, nie adbyŭsia, a na Mikitu Kvartalnava navat padali skarhu kiraŭnictvu lihi.
Mikita nie zdaŭsia i praciahnuŭ vieści pieramovy i naładžvać znosiny z hulcami nibyta ad imia «Dynama» — chvaliŭsia suviaziami ŭ minskim kłubie i ŭpłyvam na sielekcyju. U vyniku dyrektar «Dynama» Arciom Karkocki niadaŭna ŭvohule zabaraniŭ Kvartalnavu-małodšamu źjaŭlacca ŭ ofisie minskaha «Dynama».
«Nijakaha dačynieńnia da sielekcyi «Dynama» jon nie maje i takimi paŭnamoctvami nie vałodaje», — zajaviŭ Karkocki.
Jon padkreśliŭ, što abmiarkoŭvaŭ hetaje pytańnie ź Mikitam Kvartalnavym užo niekalki razoŭ i paabiacaŭ adpravić skarhu ŭ KCHŁ z prośbaj pazbavić jaho statusu ahienta, kali historyja paŭtorycca.
Ciapier čytajuć
Hałyhina prymusili apraŭdvacca za zvarot da siłavikoŭ u 2020-m14
Hałyhina prymusili apraŭdvacca za zvarot da siłavikoŭ u 2020-m
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary
Jak raztłumačyli za tydzień uładaru kabaka na kostkach
Šmat ciabie u śmi i tutaka heta ni Brajtan i ty ni " Hoci"
Jak 24 hady tamu raztłumačyli za tydzień čačenam u Babrujsku zavitaŭšym da " Biełšyny" .