U Breście asudzili ŭžo 11-ju hrupu za «hrubaje parušeńnie paradku» ŭ 2020 hodzie
U sudzie Leninskaha rajona Bresta 9 kastryčnika asudzili jašče troch čałaviek pavodle č. 1 art. 342 Kryminalnaha kodeksa (aktyŭny ŭdzieł u dziejańniach, što hruba parušaje hramadski paradak). Kryminalnuju spravu suprać bieraściejcaŭ razhladała Kryścina Papova, piša «Viasna».
Adzin z asudžanych Jaŭhien Byčko
Sudzili hetym razam troch čałaviek Siarhieja Ničyparuka, Alaksandra Klimaševiča i Jaŭhiena Byčko. Usim im urešcie pryznačyli realnaje źniavoleńnie:
- Siarhiej Ničyparuk — adzin hod hod šeść miesiacaŭ kałonii ahulnaha režymu;
- Alaksandr Klimaševič — adzin hod kałonii ahulnaha režymu;
- Jaŭhien Byčko — adzin hod kałonii ahulnaha režymu.
Sutnaść abvinavačvańnia suprać usich palahała ŭ tym, što ludzi 10 žniŭnia 2020 hoda ŭ Breście «vykrykvali łozunhi, demanstravali pałotny bieł-čyrvona-biełaha koleru, naŭmysna pieraškadžali ruchu transpartnych srodkaŭ i narmalnamu funkcyjanavańniu pradpryjemstvaŭ». Hetym jany nibyta hruba parušali hramadski paradak.
Viadoma, što dyrektara bresckaj kampanii Jaŭhiena Byčko žorstka zatrymali na trasie M1 u siaredzinie lipienia. Mužčynu spynili supracoŭniki DAI, a paźniej padjechali siłaviki, jakija jaho i zatrymali. Na zapisanym siłavikami videa Byčko havoryć, što ŭdzielničaŭ u paślavybarčaj akcyi pratestu ŭ Breście.
Takim čynam, užo viadoma pra 61 čałavieka, jakija atrymali terminy pavodle art. 342 KK za pratesty, jakija prachodzili 10 žniŭnia 2020 hoda ŭ Breście.
U Breście jašče piaciarych asudzili za ŭdzieł u akcyi pratestu 10 žniŭnia 2020-ha. A ŭsiaho pa spravie — užo 58 čałaviek
U Homieli buduć razhladać zajavu ab amnistyi dla palitźniavolenaj Aleny Hnaŭk
Dźviarnoha majstra z Kalinkavičaŭ buduć sudzić pa 4 palityčnych artykułach. U sacsietkach jon chvalić Pucina i Kadyrava
Ciapier čytajuć
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary