Tadevuš Kandrusievič i Uładzisłaŭ Zavalniuk naviedali parafiju źniavolenaha ksiandza Juchnieviča
U sanktuaryi Maci Božaj Facimskaj u Šumilinie 13 kastryčnika fest uznačaliŭ viciebski biskup Aleh Butkievič. Siarod haściej byli taksama arcybiskup-emieryt Tadevuš Kandrusievič i były probašč Čyrvonaha kaścioła ŭ Minsku ksiondz Uładzisłaŭ Zavalniuk, piša Katolik.life.
Śviata z udziełam vysokich haściej stała padtrymkaj dla parafii, jakaja pieražyvaje źniavoleńnie svajho probašča. Ajciec Andžej Juchnievič znachodzicca za kratami ŭžo amal paŭhoda pa nieviadomym abvinavačvańni. Administrataram parafii časova pryznačany ksiondz Jaŭhienij Šymanovič.
Na śviacie nie było vikaryja ajca Paŭła Lemiecha, jaki byŭ zatrymany adnačasova z probaščam, ale paźniej vyzvaleny. Jon vymušana vyjechaŭ ź Biełarusi.
U svaim słovie Tadevuš Kandrusievič nahadaŭ pra ździajśnieńnie abiacańnia Najśviaciejšaj Panny Maryi, dadzienych padčas Facimskich abjaŭleńniaŭ, i pryvioŭ prykład raspadu ateistyčnaha režymu:
«Jano spoŭniłasia. Dobra pamiatajem kaniec 80-ch — pačatak 90-ch hadoŭ. Biez kryvi, bieź vialikich zakałotaŭ Saviecki Sajuz raspaŭsia na 15 niezaležnych krain. My atrymali svabodu vieravyznańnia».
Padčas festu adbyłosia ŭniasieńnie kopij cudadziejnych abrazoŭ Maci Božaj.
Ksiandzu Andžeju Juchnieviču pahražajuć fejkavymi abvinavačańniami ŭ piedafilii
Ksiondz Andžej Juchnievič: Mianie mohuć za heta sudzić, ale ja chaču publična vykazać salidarnaść z bratami-ŭkraincami
«Znachodzicca ŭ źniasilenym stanie». Vierniki daviedalisia padrabiaznaści pra źniavolenaha ksiandza Andžeja Juchnieviča
«Śvietły, Božy čałaviek». Čamu ŭłady nakinulisia na śviatara Juchnieviča z Šumilina
Kamientary