Ksiondz Andžej Juchnievič: Mianie mohuć za heta sudzić, ale ja chaču publična vykazać salidarnaść z bratami-ŭkraincami
Ksiondz Andžej Juchnievič viedaŭ, što jaho mohuć pieraśledavać, i śviadoma braŭ na siabie ryzyku. Heta vynikaje sa słoŭ, apublikavanych na sajcie misijanieraŭ-abłataŭ u ZŠA, piša «Chryścijanskaja vizija».
«Napisaŭšy heta, ja ryzykuju papaści pad sud, ale mnie b chaciełasia, kab majo piarečańnie było pačutaje publična.
Popieł na našy hałovy, na dadzienym etapie historyi dla mnohich biełarusaŭ hety žest nie tolki simvaličny, ale i vyjaŭlaje ŭnutrany stan: pieražyvańnie hłybokaha soramu i depresii. Bo z našaj krainy, z našaj ziamli iduć vajennyja ataki rasijan, pravakacyi i hienacyd ukrainskaha naroda.
Ad siabie i ad imia ŭsich misijanieraŭ Biezzahannaj Maryi, što słužać u Biełarusi, ja chacieŭ by vykazać hłybokuju salidarnaść i duchoŭnuju padtrymku našym subratam va Ukrainie i ŭsiamu ŭkrainskamu narodu.
My vyrašyli kožny dzień razam z našymi prychadžanami malicca za naviartańnie Rasii i Biełarusi i za nieadkładnaje spynieńnie vajny va Ukrainie. Siońnia ŭ parafii ŭ Šumilinie dla hetaha namieru kruhłasutačnaja adaracyja Najśviaciejšaha Sakramentu», — pisaŭ ksiondz Andžej Juchnievič.
***
Andžeja Juchnieviča zatrymali 8 maja i spačatku pryciahnuli da administracyjnaj adkaznaści za raźmiaščeńnie ŭ fejsbuku vyjavy bieła-čyrvonaha-biełaha i ŭkrainskaha ściahoŭ. Jaho aryštavali na 15 sutak, i z taho času na volu jon tak i nie vyjšaŭ. Jamu niekalki razoŭ davali pa 15 sutak.
U pačatku lipienia stała viadoma, što jaho pieravodziać ź IČU, dzie jon adbyvaŭ aryšty ahulnaj praciahłaściu amal dva miesiacy, u SIZA. Suprać śviatara raspačata kryminalnaja sprava. Dahetul zastajecca nieviadomym, što mienavita jamu inkryminujecca.
Ksiandza Andžeja Juchnieviča pryznali palitviaźniem
«Śvietły, Božy čałaviek». Čamu ŭłady nakinulisia na śviatara Juchnieviča z Šumilina
Suprać ksiandza Andžeja Juchnieviča zaviali kryminalnuju spravu
«Znachodzicca ŭ źniasilenym stanie». Vierniki daviedalisia padrabiaznaści pra źniavolenaha ksiandza Andžeja Juchnieviča
Ciapier čytajuć
Paśla pajezdki za miežy ES tajamniča źnik Anatol Kotaŭ, byłaja pravaja ruka Paŭła Łatuški39
Kamientary
ale niechta ŭsio jašče nijak nie moža vyznačycca - chto jon - katalik pravasłaŭny ci t.p.