Zialenski admoviŭsia pryniać hiensaka AAN paśla vizitu taho ŭ Rasiju
Uładzimir Zialenski admoviŭsia ad vizitu hienieralnaha sakratara AAN Antoniu Huteryša va Ukrainu praź jaho ŭdzieł u samicie BRIKS, piša AFP sa spasyłkaj na krynicy ŭ ofisie prezidenta Ukrainy.
«Paśla Kazani Huteryš chacieŭ pryjechać va Ukrainu, ale prezident nie paćvierdziŭ vizit. Tamu Huteryša tut nie budzie, mienavita z-za prynižeńnia zdarovaha sensu i mižnarodnaha prava ŭ Kazani», — skazaŭ surazmoŭca ahienctva.
Na samicie BRIKS, arhanizavanym Rasijaj u Kazani, Huteryš zaklikaŭ da «spraviadlivaha miru» va Ukrainie i spynieńnia vajny. Padčas pieramoŭ z Pucinym Huteryš paŭtaryŭ, što «rasijskaje ŭvarvańnie va Ukrainu było parušeńniem Statuta AAN i mižnarodnaha prava», havorycca ŭ zajavie AAN.
Samit staŭ najbujniejšaj dypłamatyčnaj padziejaj u Rasii paśla ŭvarvańnia va Ukrainu ŭ lutym 2022 hoda. MZS Ukrainy raskrytykavaŭ rašeńnie Huteryša naviedać Kazań i adznačyŭ, što jon nie prysutničaŭ na mirnym samicie, arhanizavanym Ukrainaj u Šviejcaryi ŭ červieni.
Ciapier čytajuć
Zahinuŭ były palitviazień Alaksiej Laŭkievič. Jaho vyzvalili try miesiacy tamu paśla vizitu Koŭła2
Zahinuŭ były palitviazień Alaksiej Laŭkievič. Jaho vyzvalili try miesiacy tamu paśla vizitu Koŭła
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4040
Kamientary