Redki vypadak: na čyhuncy Biełarusi pierajmienavali dźvie stancyi
Z 1 listapada Biełaruskaja čyhunka zapuskaje elektraciahniki pa maršrucie Minsk — Kalinkavičy — Mazyr. I voś jakraz na ŭčastku ad Mazyra da Kalinkavičaŭ i adbylisia źmieny, piša Blizko.by.
Zaraz na ŭčastku na poŭdzień ad Kalinkavičaŭ jość takija stancyi (prypynačnyja punkty) na čyhuncy: Pchoŭ na levym bierazie Prypiaci, a na pravym — ułasna Mazyr u paŭnočna-zachodniaj častcy Mazyra i Kozienki ŭ paŭdniova-zachodniaj.
Raniej ciahniki na poŭdzień ad Kalinkavičaŭ (naprykład, da pamiežnaj stancyi Słaviečna) paśladoŭna prajazdžali Kalinkavičy-Paŭdniovyja, Pchoŭ, Mazyr, Kozienki, Michałki i dalej pa maršrucie.
Zaraz ža stancyi Kozienki ŭ raskładzie niama zusim, jaje nielha vybrać sa śpisu pry pošuku raskładu.
Zatoje vidać, što ciapier u raskładzie dyziela Kalinkavičy — Słaviečna źjaviłasia novaja nazva: Mazyr-Paŭnočny (pa rusku budzie Mozyŕ-Pavnočnyj). Jość jana i ŭ śpisie stancyj.
Takim čynam, byłaja stancyja Mazyr stała nazyvacca Mazyr-Paŭnočny, a byłaja stancyja Kozienki — prosta Mazyr.
Ciapier čytajuć
Trahiedyja ŭ Barysaŭskaj balnicy: unučka pacyjenta kaža, što na jaho źviarnuli ŭvahu praz šeść hadzin, kali ŭžo piena pajšła z rota — jon pamior18
Kamientary
dyk ce ž pa-ŭkrainsku