Pierabiežčyki z Paŭnočnaj Karei prosiacca va Ukrainu, kab rasprapahandavać surodzičaŭ pa inšy bok frontu
Havorka idzie pra pierabiežčykaŭ z armii KNDR apošnich hadoŭ.
Kitajskaje vydańnie South China Morning Post daviedałasia ab žadańni pierabiežčykaŭ iz armii KNDR udzielničać u vajnie va Ukrainie na baku USU. Hrupa z amal 200 byłych paŭnočnakarejskich sałdataŭ, jakija za apošnija hady zdoleli źbiehčy ŭ Paŭdniovuju Kareju, ciapier prosić u miascovych i ŭkrainskich uładaŭ dazvołu dapamahčy.
«Paŭnočnakarejskija sałdaty, pa sutnaści, znachodziacca ŭ Rasii ŭ jakaści najmitaŭ, ale my pajechali b tudy jak dobraachvotniki ź misijaj dobraj voli», — skazaŭ Li Min Bok, adzin ź lidaraŭ hrupy byłych vajskoŭcaŭ KNDR, jaki nakiravaŭ zapyt u pasolstva Ukrainy ŭ Sieule.
Pry hetym South China Morning Post adznačaje, što paŭnočnakarejskija dobraachvotniki ŭ pieršuju čarhu chočuć dapamahčy vieści na Ukrainie psichałahičnuju vajnu suprać svaich byłych tavaryšaŭ pa zbroi, a nie zabivać ich.
«Jany majuć namier vykarystoŭvać svaje viedy ab Uzbrojenych siłach KNDR, kab padarvać bajavy duch i demaralizavać sałdat z Paŭnočnaj Karei, jakija znachodziacca na terytoryi Rasii. Niekatoryja ź pierabiežčykaŭ majuć staž ad siami da dziesiaci hadoŭ słužby ŭ armii i prapanujuć siabie ŭ jakaści pierakładčykaŭ padčas mahčymych dopytaŭ tych paŭnočnakarejskich sałdat, jakija trapiać va ŭkrainski pałon», — piša South China Morning Post.
Nahadajem, što pavodle ŭkrainskaj i paŭdniovakarejskich vyviedak Pchieńjan vyrašyŭ nakiravać kala 12 tysiač vajskoŭcaŭ na dapamohu Rasii, ź jakich paŭtary tysiačy ŭžo znachodziacca na rasijskich palihonach na Dalokim Uschodzie. Sieuł u adkaz staŭ usurjoz razhladać mahčymaść pastaŭki svajoj zbroi Ukrainie.
NATA paćvierdziła prysutnaść vajskoŭcaŭ KNDR na Kurščynie
«Zdavajciesia ŭ pałon! Vas čakaje trochrazovaje haračaje charčavańnie». Ukraincy apublikavali zvarot da sałdat KNDR
Na paradzie ŭ Karei z vajskoŭcami maršyravali sabaki-robaty. Pakazali taksama rakietu, zdolnuju źniščyć Kim Čen Yna ŭ lubym bunkiery VIDEA
Ciapier čytajuć
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy20
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary