«Usie atrymali kuchtaloŭ za afarmleńnie». U Breście zabaranili Chełoŭin va ŭstanovach hramadskaha charčavańnia
Žurnalisty BGmedia parazmaŭlali ź bieraściejcami, jakija pracujuć u śfiery hramadskaha charčavańnia, i vyśvietlili, što napiaredadni ŭ restarany i kafe pryjšli pravierki.
«Tak, usie atrymali kuchtaloŭ za afarmleńnie. Nijakich uzhadak pra śviata, žachaŭ i tematyčnych harbuzoŭ. «Mieduzie» na Savieckaj pryhrazili zakryćciom za płanavanuju viečarynu — daviałosia jaje admianić», — padzialiŭsia infarmacyjaj adzin z surazmoŭcaŭ.
Hetuju infarmacyju paćvierdziła jašče adna supracoŭnica ŭstanovy. Pavodle jaje słoŭ, u kafe pryjšli niejkija ludzi i skazali prybrać harbuzy, nie ŭpryhožvać pamiaškańnie i h. d.
«Samaje cikavaje, što litaralna dniami była ŭ kramie adzieńnia, i tam usio było ŭpryhožana da Chełoŭina. Mahčyma, zabarona zakranuła tolki ŭstanovy hramadskaha charčavańnia — chadzili z pravierkami, i, jak ja viedaju, navat za zvyčajnyja harbuzy ludzi atrymlivali zaŭvahi. Ale ŭ niekatorych kaviarniach jany ŭsio jašče stajać na terasach», — raspaviała supracoŭnica adnoj z bresckich ustanoŭ hramadskaha charčavańnia.
Ciapier čytajuć
Hurt «Drazdy» pakidaje scenu i vinavacić u hetym «hipieraktyŭnych błohieraŭ»5
Hurt «Drazdy» pakidaje scenu i vinavacić u hetym «hipieraktyŭnych błohieraŭ»
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha182182
Kamientary