Premjer-ministry Biełarusi i Rasii Raman Hałoŭčanka i Michaił Mišuścin na pasiadžeńni Saŭmina Sajuznaj dziaržavy adobryli rezalucyju ab admienie roŭminhu. Ciapier ułady nazvali novuju datu admieny roŭminhu, jaki admianiajuć nie adzin hod.
Pavodle Hałoŭčanki, 1 sakavika nastupnaha hoda ŭviaduć ilhotnyja ŭmovy dla biełaruskich abanientaŭ u RF i naadvarot. Heta značyć pry padarožžach ź Biełarusi ŭ Rasii i ŭ zvarotnym napramku možna budzie karystacca taryfami, jakija supastaŭnyja z canoj pasłuh u damašniaj sietcy, piša «Sputnik».
«U abjomie nie mienš jak 300 chvilin biaspłatnych uvachodnych hałasavych vyklikaŭ i nie mienš za 5 hihabajt pieradačy danych u miesiac. Heta daść mahčymaść hramadzianam na terytoryi Sajuznaj dziaržavy karystacca na kamfortnych umovach jašče bolšym abjomam hałasavych pasłuh i ŭpieršyniu — značnym abjomam pieradačy danych», — skazaŭ Hałoŭčanka.
Rašeńnie ab admienie roŭminhu Maskva i Minsk pryniali ŭ 2017-m.
U kastryčniku 2024 hoda dziaržsakratar Sajuznaj dziaržavy Dźmitryj Mieziencaŭ kazaŭ, što roŭminh admieniać z 1 studzienia 2025 hoda.
Kamientary