U Biełarusi pastaviać bolš za 30 supierchutkich zaradak dla elektramabilaŭ
Jany źjaviacca jak u Minsku, tak i ŭ rehijonach.
Urad Biełarusi abnaviŭ prahramu raźvićcia sietki zaradnych stancyj dla elektramabilaŭ. Pastanova pra heta apublikavanaja na Nacyjanalnym pravavym internet-partale.
Supierchutkija zapraŭki buduć stavić z 2024 pa 2035 hady. Płanujecca, što da 2035 hoda ich budzie 35 pa krainie.
U Minsku takich stancyj budzie try — kala prypynku «Vakzał», dyśpietčarskaj stancyi «Anharskaja-4» i prypynku «Kamiennaja horka-5».
Taksama supierchutkija zaradki źjaviacca ŭ Breście, Hrodnie, Mahilovie, Kalinkavičach i na trasach R-23, M-1, M-4, M-6, M-10 i inšych.
Urad miarkuje, što ŭ 2026-2030 hadach kolkaść elektramabilaŭ u Biełarusi pieravysić 25 tysiač.
Niadaŭna, dźvie supierchutkija zaradki źjavilisia ŭ Minsku na stajancy kala hipiermarkieta «Jeŭraopt» na vulicy Mantažnikaŭ, 2. Mahutnaść zaradki — 160 kVt. Kažuć, treba ŭsiaho 20 chvilin, kab zaradzić aŭto da 80%. Adnačasova kompleks moža padsiłkoŭvać enierhijaj dźvie mašyny. Jašče adna novaja stancyja, pastaŭlenaja tam ža, vydaje 50 kVt.
Na 1 studzienia 2024 hoda sietka EZS mieła 1020 stancyj, 690 ź ich naležali «Biełarusnafcie». U 2024-2028 hodzie płanujuć adkryć sotni novych zapravak u Minsku i rehijonach.
Ciapier čytajuć
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času2020
Kamientary