Hramadstva

U Minsku ludzi ŭnačy vystrojvajucca ŭ čerhi, kab kupić redkija maniety

Kalekcyjaniery i, mahčyma, pierakupy vystrojvajucca ŭ čarhu ŭ kasy Nacbanka ŭ Minsku na vulicy Tałstoha, 6, kab kupić redkija i niezvyčajnyja maniety. Heta zaŭvažyła Tochka.by. «Lusterka» pahladzieła, što saboj ujaŭlaje «tavar», pa jaki stajać ludzi.

Havorka idzie pra kalekcyjnuju manietu naminałam 50 rubloŭ «Lehienda ab Mieniesku» sieryi «Lehiendy haradoŭ Biełarusi». Heta davoli redkaja manieta — ahulny nakład srebnaj, što maje naminał 50 rubloŭ, — usiaho 1200 štuk. A miedna-nikielevaja naminałam 1 rubiel — 1500 štuk. Nacbank uvioŭ ich u abaračeńnie 18 śniežnia 2023 hoda.

U prodaž pieršaja ź ich pastupiła tolki ŭ piatnicu, 15 listapada (druhuju, jakaja na 1 rubiel, pakul jašče nie pradajuć). Pradajuć jaje ŭ kasie Nacbanka pa adrasie: Tałstoha, 6 u Minsku. Košt — 350 rubloŭ, havorycca na sajcie rehulatara.

Čarha la budynka Nacbanka ŭ Minsku. Fota: Tochka.by

La budynka Nacbanka ŭ Minsku ŭžo niekalkich dzion vystrojvajecca čarha. Pierad zakryćciom kasy ludzi ładzili pieraklički i navat pryznačali dziažurnych na noč. Nie abychodzicca bieź pierakupaŭ, «karusielaŭ», kupli-prodažu čarhi pamiž ludźmi vuzkaha koła.

Pamiatnaja manieta «Lehienda ab Mieniesku» na 50 rubloŭ sieryi «Lehiendy haradoŭ Biełarusi». Fota: belnumizmatika.by

Adna z asablivaściaŭ maniety ŭ tym, što jana maje niestandartnuju formu ź niaroŭnymi krajami, to-bok stylizavanaja pad staradaŭnija hrošy.

Choć pradavać jaje stali niadaŭna, užo možna znajści prapanovy ad pierakupaŭ. Cana adroźnivajecca ŭ razy. Tak, «Biełnumizmatyka» prapanuje jaje za 865,4 rubla.

Niadaŭna na anłajn-aŭkcyjonie jaje pradali za 395 rubloŭ. Inšyja pradaŭcy prapanujuć pa canie ad 400 rubloŭ.

U našych suhramadzian moža być jašče adna nahoda pastajać u čarzie la kasy Nacbanka. Da 31 śniežnia hetaha hoda tam možna pamianiać staryja biełaruskija rubli (uzoru 2000 hoda). Abmien starych hrašovych znakaŭ na aktualnyja banknoty i maniety pravodziać u suadnosinach 10 000:1. Heta značyć, što kali ŭ vas jość staraja kupiura na 50 tys. rubloŭ, to ciapier jana roŭnaja 5 rublam.

Kamientary

Ciapier čytajuć

Stała viadoma pra śmierć 47-hadovaha biznesmiena i byłoha palitviaźnia Dzianisa Bojdaka

Stała viadoma pra śmierć 47-hadovaha biznesmiena i byłoha palitviaźnia Dzianisa Bojdaka

Usie naviny →
Usie naviny

U Minsku sutyknulisia dźvie lehkavuški i maršrutka

Zahinuŭ biełarus ź Indury, jaki vajavaŭ na baku Rasii. Pratrymaŭsia mienš za dva miesiacy3

Pamierła samaja razumnaja małpa ŭ śviecie, jakaja viedała bolš za 300 słoŭ, hatavała i hulała ŭ Minecraft24

Za skandalny hadzińnik Franaka Viačorki ŭžo dajuć 2500 jeŭra35

Hałoŭnaja redaktarka «Biełsata» Alina Koŭšyk stała viadučaj ranišniaha šou na kanale3

Jak i dzie adznačyć Dzień Voli za miažoj. Śpis mierapryjemstvaŭ18

Uitkaf pra akupavanyja ŭkrainskija terytoryi: Pieravažnaja bolšaść ludziej pakazała, što choča być pad uładaj Rasii80

Papa Francišak musić nanoŭ vučycca razmaŭlać paśla kisłarodnaj terapii1

Što za siekta «IVDIVO», 15 čałaviek jakoj zatrymali siłaviki, i čamu ŭ Biełarusi ŭzialisia za jaje tolki ciapier4

bolš čytanych navin
bolš łajkanych navin

Stała viadoma pra śmierć 47-hadovaha biznesmiena i byłoha palitviaźnia Dzianisa Bojdaka

Stała viadoma pra śmierć 47-hadovaha biznesmiena i byłoha palitviaźnia Dzianisa Bojdaka

Hałoŭnaje
Usie naviny →

Zaŭvaha:

 

 

 

 

Zakryć Paviedamić