U Vatykanie 20 listapada było apublikavana novaje vydańnie Ordo Exsequiarum Romani Pontificis — paradku pachavańnia rymskaha pantyfika. Jano było zaćvierdžana Papam Franciškam, a pieršy asobnik atrymaŭ sam pantyfik, paviedamlaje Katolik.life na padstavie publikacyi ŭ aficyjnaj vatykanskaj presie.
Hałoŭnyja novaŭviadzieńni — abrad kanstatacyi śmierci pantyfika budzie ciapier adbyvacca nie ŭ pakoi, a ŭ jahonaj asabistaj kaplicy.
Cieła spačyłaha budzie nieadkładna pakładziena ŭ trunu. Vystaŭlacca dla apošniaha raźvitańnia jano budzie taksama ŭ trunie, a nie na katafałku, jak heta rabiłasia raniej.
Zamiest troch tradycyjnych trunaŭ z kiparysa, śvinca i duba ciapier buduć vykarystoŭvacca tolki dźvie — z cynku i dreva.
«Abnoŭleny abrad maje na mecie pakazać, što ździajśniajecca pachavańnie pastyra i vučnia Chrysta, a nie mocnaha śvietu hetaha», — patłumačyŭ arcybiskup Dyjeha Ravieli, kiraŭnik Słužby papskich liturhičnych nabaženstvaŭ.
Novaja Kniha abradaŭ zamienić vydańnie 2000 hoda, zaćvierdžanaje ŭ 1998 hodzie Janam Paŭłam II, jakoje vykarystoŭvałasia padčas jaho pachavańnia ŭ 2005 hodzie, a taksama, ź niekatorymi źmienami, padčas pachavańnia Bieniedykta XVI u 2023 hodzie. Pry padrychtoŭcy novaha vydańnia pad uvahu bralisia niekatoryja zaŭvahi, jakija ŭźnikli padčas pachavańniaŭ hetych pantyfikaŭ, a taksama pažadańni papy Franciška, jaki paprasiŭ spraścić abrady i raspracavać ich takim čynam, kab jany lepš prajaŭlali vieru Katalickaj carkvy va ŭvaskrosłaha Chrysta.
Adna z samych značnych źmien — spraščeńnie tytułaŭ pantyfika. Była viernuta terminałohija, jakaja vykarystoŭvałasia ŭ trecim vydańni Rymskaha Imšała 2008 hoda: Papa, Biskup Rymu i pastyr.
Vidavočna, što pieršym pavodle abnoŭlenaha abradu budzie pachavany ciapierašni Papa Rymski, jakomu 17 śniežnia maje spoŭnicca 88 hadoŭ. U minułym hodzie Francišak zajaviŭ, što chacieŭ by być pachavanym u bazylicy Santa-Maryja-Madžore.
«Uśmichnuŭsia i dobrazyčliva kiŭnuŭ». Mahiloŭski biskup raskazaŭ, pra što jon razmaŭlaŭ z Papam u Vatykanie
Zialenski padaryŭ Papu Rymskamu karcinu, pryśviečanuju trahiedyi ŭ Bučy
Papa Francišak paprasiŭ pieradać pryvitańnie Łukašenku
Papa Francišak raskrytykavaŭ abodvuch kandydataŭ u prezidenty ZŠA
Papa Rymski trapiŭ u vialiki skandał paśla zajavy, što ŭ katalickich sieminaryjach kvitnieje «hamasiacina»
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni13
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary
nu ŭžo parahres