Ranicaj 19 vieraśnia katalickija ijerarchi ź Biełarusi, jakija ŭdzielničajuć u kursie dla novapryznačanych biskupaŭ, celebravali śviatuju Imšu ŭ vatykanskaj bazylicy Śviatoha Piatra i sustrelisia samim Papam Franciškam. Adzin ź biełarusaŭ navat zadaŭ pantyfiku pytańnie, piša Catholic.by.
U hetym kursie ad Biełarusi brali ŭdzieł kaadjutar Hrodzienskaj dyjacezii biskup Uładzimir Hulaj i dapamožny biskup Pinskaj dyjacezii Andrej Znoska, jakich paśviacili ŭ biskupy sioleta.
Biskup Znoska padčas aŭdyjencyi ŭ pantyfika zadaŭ jamu pytańnie:
«My nie možam i nie chočam pamianiać našych susiedziaŭ: jany takija, jakija jość. Što my pavinny rabić, kab vajna pamiž našymi susiedziami spyniłasia?»
U adkaz Francišak skazaŭ, što viedaje Biełaruś, i prasiŭ pieradać svajo pryvitańnie Alaksandru Łukašenku.
Što da sutnaści pytańnia, to jon adkazaŭ:
«Vy ŭ Biełarusi dobra viedajecie, što nikoli nielha začyniać dźviery dla pierahavoraŭ, što treba trymać ich adkrytymi».
Maŭlaŭ, tolki budučy hatovymi słuchać i čuć adzin adnaho, možna dajści da dobrych vynikaŭ. Taksama Papa zaachvociŭ biskupaŭ i prostych ludziej nikoli nie hublać nadzieju i vieryć u pieramožnuju moc malitvy.
Papa Francišak raskrytykavaŭ abodvuch kandydataŭ u prezidenty ZŠA
Nuncyj Jozič u Pałacy Niezaležnaści rassypaŭsia ŭ kamplimientach biełarusam
Vatykan pryznačyŭ lidskaha ksiandza Andreja Znoska biskupam. Roŭna hod tamu jaho zatrymlivali siłaviki
«Dla Hrodzienskaj dyjacezii heta rekord pa biełarusizacyi». Što viadoma pra novapryznačanaha biskupa Hulaja
Papa pryznačyŭ u Biełarusi novaha biskupa. U Hrodzienskaj dyjacezii čakajucca pieramieny?
Kamientary