«Uśmichnuŭsia i dobrazyčliva kiŭnuŭ». Mahiloŭski biskup raskazaŭ, pra što jon razmaŭlaŭ z Papam u Vatykanie
5 kastryčnika stała viadoma, što dapamožny biskup Minska-Mahiloŭskaj dyjacezii Alaksandr Jašeŭski padčas druhoj siesii XVI zvyčajnaj Hienieralnaj asamblei sinoda biskupaŭ u Vatykanie mieŭ razmovu z samim Papam rymskim Franciškam. Pra sustreču paviedamiŭ sam Alaksandr Jašeŭski ŭ instahramie, apublikavaŭšy fota z pantyfikam. Ale tolki ciapier u intervju Vatykanskamu radyjo jon raskazaŭ, pra što była taja razmova.
«Parazmaŭlaŭ siońnia sa Śviatym Ajcom Franciškam. Nichto nam nie pieraškadžaŭ. Nie było inšych udzielnikaŭ u čarzie da Papy, tamu my siońnia daŭžej parazmaŭlali. Z błasłaŭleńniem Pantyfika dla ŭsioj Biełarusi ja ščaślivy adyšoŭ ad Śviatoha Ajca», — koratka apisaŭ sustreču Alaksandr Jašeŭski 5 kastryčnika.
Pavodle Alaksandra Jašeŭskaha, hetaja sustreča praciahvałasia ŭsiaho piać chvilin, «choć razmova, zdavałasia, ciahnułasia cełuju hadzinu».
Padčas razmovy Papa spytaŭsia ŭ Jašeŭskaha, jak jon ujaŭlaje budučyniu Katalickaj carkvy ŭ Biełarusi.
«Ja ščyra padzialiŭsia svaimi mierkavańniami pra vykliki, ź jakimi sutykajecca naš Kaścioł i padkreśliŭ važnaść bolš aktyŭnaha dyjałohu z moładździu i śvieckimi», — skazaŭ Jašeŭski.
Francišak, pavodle jaho «słuchaŭ z uvažlivaj uśmieškaj» i padtrymaŭ taki padychod. A paśla razmovy Papa prapanavaŭ karotkuju malitvu zai Biełaruś i jaje narod.
Akramia taho, padčas razmovy z Papam Franciškam, pavodle słoŭ biskupa Jašeŭskaha,
«my zakranuli niekalki važnych pytańniaŭ, źviazanych z vyklikami, ź jakimi sutykajecca Katalicki Kaścioł u Biełarusi. Asnoŭnaja ŭvaha była nadadziena naładžvańniu dyjałoha ź dziaržaŭnymi ŭładami i mahčymaściam ažyćciaŭleńnia relihijnaj dziejnaści va ŭmovach abiasceńvańnia ŭ sučasnym śviecie chryścijanskich kaštoŭnaściaŭ, abaronie žyćcia i vychavańnia dziaciej i moładzi, a taksama peŭnym isnujučym prablemam u łakalnym Kaściole».
Na zakančeńnie razmovy Jašeŭski vykazaŭ Papu svaju nadzieju na jaho vizit u Biełaruś, maŭlaŭ, tut jaho vielmi čakajuć. Na što toj uśmichnuŭsia i dobrazyčliva kiŭnuŭ.
Biełaruski biskup Alaksandr Jašeŭski sustreŭsia ŭ Vatykanie z papam Franciškam
Papa Francišak paprasiŭ pieradać pryvitańnie Łukašenku
Zialenski padaryŭ Papu Rymskamu karcinu, pryśviečanuju trahiedyi ŭ Bučy
Najstarejšy katalicki ijerarch Biełarusi skłaŭ paŭnamoctvy
Papa Francišak raskrytykavaŭ abodvuch kandydataŭ u prezidenty ZŠA
Ciapier čytajuć
Buchi Ihar ź Viciebska ŭžo nie viedaje, jak adbicca ad padarunkaŭ ad roznych brendaŭ. I ŭžo zvalniajecca z zavoda12
Kamientary