Kudy znoŭ źnik Pucin? Vyjaviłasia, što jaho apošnija sustrečy — heta nasamreč zapisy miesiačnaj daŭniny
Paśla Vałdajskaha forumu jon ni razu realna nie źjaŭlaŭsia na publicy.
Uładzimir Pucin apošni raz źjaŭlaŭsia na publicy amal dva tydni tamu — śćviardžaje aŭtarytetnaje vydańnie The Moscow Times.
Praktyka «praterminavanaj prysutnaści» Pucina nie novaja, ale ciapier jana nabyvaje jašče bolš kurjozny charaktar.
Tak, naprykład, Pucin, kali vieryć Kramlu, 12 listapada abmiarkoŭvaŭ biudžet z kiraŭnikom «Adzinaj Rasii» Uładzimiram Vasiljevym, choć toj biudžet byŭ zaćvierdžany jašče ŭ kastryčniku.
A ŭ sustrečy ź lidaram «Novych ludziej» Alaksiejem Niačajevym 19 listapada Pucin, vidać, byŭ tak zaniaty «virtualnaj» razmovaj, što nie zaŭvažyŭ, jak Niečajeŭ u hety ž dzień vandravaŭ pa vystavie ŭ Dziarždumie. Kreml, zdajecca, zusim zabyŭsia na isnavańnie kalendara.
Nie mienš cikavaja historyja zdaryłasia ź lidaram ŁDPR Leanidam Słuckim. Jon, pavodle viersii Kramla, razmaŭlaŭ z Pucinym, adnačasova znachodziačysia ŭ zale pasiadžeńniaŭ Dziarždumy. Chacia, viedajučy pra «zvyšnaturalnyja» zdolnaści niabožčyka Žyrynoŭskaha, nielha vyklučać, što jahony vierny pierajemnik vałodaje zdolnaściu być u dvuch miescach adnačasova.
U realnaści Pucin — pavodle The Moscow Times — apošni raz źjaŭlaŭsia na publicy 7 listapada, kali pramaŭlaŭ na Vałdajskim forumie.
Čamu amierykancy tak irvucca na Miesiac, što tam buduć zdabyvać? I što da taho biełarusam? Tłumačyć biełaruski astrafizik8
Kamientary