Na vajnie va Ukrainie zahinuŭ pieršy rasijski bajec 2008 hoda naradžeńnia
Bi-bi-si sumiesna z «Miedyjazonaj» i kamandaj vałancioraŭ vyznačyła imiony 226 055 rasijskich vajskoŭcaŭ, jakija zahinuli padčas poŭnamaštabnaha ŭvarvańnia va Ukrainu. Bolš za 200 čałaviek u hetym śpisie — 18‑hadovyja junaki.
21 lutaha 2022 hoda, u dzień, kali prezident Rasii Uładzimir Pucin vystupaŭ z hadzinnym telezvarotam pra svajo bačańnie ŭkrainskaj dziaržaŭnaści, Ališeru Śvirynu spoŭniłasia 14 hadoŭ.
Na adnym sa zdymkaŭ Ališer Śviryn paziruje ŭ vajskovaj formie savieckaha sałdata časoŭ Vialikaj Ajčynnaj vajny i trymaje ŭ rukach saviecki pistalet-kulamiot Špahina — svojeasablivy simvał toj vajny. Takija fotazdymki ŭ Rasii robiać mnohim dzieciam da Dnia Pieramohi 9 maja.
Na zdymku 2026 hoda 18‑hadovy Ališer Śviryn u kamuflažy trymaje ŭ rukach aŭtamat Kałašnikava. Hetaje fota niasuć vajskoŭcy ŭ pachavalnaj pracesii. Ališer pajšoŭ słužyć pa kantrakcie i zahinuŭ 1 maja 2026 hoda na vajnie z Ukrainaj. 28 maja jaho pachavali na Alei Hierojaŭ u Paŭłaŭskim Pasadzie.
Kali mienavita jon pajechaŭ na front — nieviadoma, ale z ulikam jaho ŭzrostu jon nie moh prasłužyć bolš za try miesiacy.
Heta pieršy zahinuŭšy rasijski vajskoviec 2008 hoda naradžeńnia ŭ paimiennym śpisie. Usiaho z pačatku vialikaj vajny va Ukrainie tam zahinuli nie mienš za 200 18‑hadovych rasijskich vajskoŭcaŭ.
Ališer Śviryn słužyŭ pa kantrakcie ŭ składzie 123‑j asobnaj hvardziejskaj motastrałkovaj bryhady ŭ jakaści kulamiotčyka, vynikaje z karotkaha niekrałoha. Z pačatku hoda na jaho staroncy ŭ VK užo apublikavana 40 takich niekrałohaŭ z adnolkavym zahałoŭkam — «Paŭłaŭska-Pasadskaja akruha raźvitałasia z Hierojem».
Padmaskoŭje stabilna znachodzicca ŭ lidarach pa kolkaści zahinułych. Paćvierdžanyja straty siarod žycharoŭ hetaha rehijona — 6 084 čałavieki.
Na pieršym miescy ź vialikim adryvam zastajecca Baškartastan — tolki za minułyja dva tydni rehijon pierasiahnuŭ płanku ŭ 10 000 zahinułych va Ukrainie vajskoŭcaŭ.
Druhoje miesca zajmaje Tatarstan — 8 759 čałaviek.
Hetyja dva rehijony zajmajuć pieršyja miescy siarod usich subjektaŭ Rasii pa kolkaści paćvierdžanych zahinułych, častkova dziakujučy aktyŭnaj dziejnaści miascovych vałancioraŭ i hramadskich arhanizacyj, jakija źbirajuć takija danyja.
-
Na froncie zahinuŭ suzasnavalnik UNA-UNSO i były palitviazień Kramla Mikoła Karpiuk
-
Try najbujniejšyja mietałurhičnyja zavody Ukrainy spynili pracu paśla rasijskich atak. Cełaja halina pramysłovaści akazałasia pad pahrozaj
-
Dron ci balistyka? Što heta za «Pielikan», jakim siońnia ŭkraincy atakavali Maskvu
Minčuk źniaŭ rolik pra čarhu ŭ paliklinicy, dzie było bolš za 150 čałaviek. Za heta na jaho napisali zajavu ŭ milicyju10
Kamientary