Siaržuk Doŭhušaŭ anansavaŭ vychad «Kupalskaha śpieŭnika» — zbornika z kupalskimi pieśniami z roznych rehijonaŭ
Kamanda kulturnickaj inicyjatyvy «Etna Tradycyja» razam z muzykaj i daśledčykam biełaruskaj śpieŭnaj tradycyi Sieržukom Doŭhušavym paviedamiła pra vychad novaha vydańnia — kišennaha «Kupalskaha śpieŭnika». Srodki na druk i padrychtoŭku knihi źbirali tałakoj, piša Reform.news.
Kupalle — adno z samych lubimych biełaruskich śviat, jakoje kožny hod źbiraje razam sotni ludziej u roznych krainach. Novy zbornik vyjdzie akurat da dnia letniaha soncastajańnia, kab va ŭsich achvotnych pad rukoj byli teksty i padkazki dla śviatkavańnia.
Układalnicaj «Kupalskaha śpieŭnika» vystupiła viadomaja etna-śpiavačka i falkłarystka Palina Kuranovič. Jana sabrała pad adnoj vokładkaj ceły hatovy kompleks dla śviatkavańnia:
- Kupalskija pieśni z roznych rehijonaŭ Biełarusi razam z notami i śpiecyjalnym aŭdyjodadatkam;
- Charaktarystyki, kantekst i padrabiaznyja apisańni kožnaha śpievu;
- Pakrokavyja instrukcyi, hatovy scenar i hałoŭnyja etapy Kupalla.
Praciah papularnaj sieryi
Heta ŭžo nie pieršy supolny pośpiech kamandy i biełaruskich fundataraŭ. Raniej u hetaj sieryi vychodzili kišennyja śpieŭniki, jakija stali zapatrabavanymi i papularnymi siarod biełarusaŭ: «Narodny», «Kaladny», «Biasiednyja pieśni», a taksama «Dziciačy śpieŭnik», jaki pabačyŭ śviet u 2024 hodzie.
«Kupalski śpieŭnik» praciahvaje hetuju tradycyju, a jaho nakład musić składać 1 000 asobnikaŭ. Zamović knihu možna tut.
Dla tych, chto choča dałučycca da inšych inicyjatyŭ «Etna Tradycyi» ci padtrymać vydańnie nastupnych zbornikaŭ, mahčymaść zrabić danat možna tut.
Ciapier čytajuć
«Ja jab*n, tamu i pajšoŭ». Małady biełarus kinuŭ ciažarnuju žonku i pajechaŭ na vajnu, paśla zdradziŭ joj dyj zahinuŭ4
«Ja jab*n, tamu i pajšoŭ». Małady biełarus kinuŭ ciažarnuju žonku i pajechaŭ na vajnu, paśla zdradziŭ joj dyj zahinuŭ
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf44
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf4
«Tekst prysiahi prahučaŭ tady dvojčy». Statkievič padzialiŭsia ŭspaminami pra prysiahu biełaruskich vajskoŭcaŭ u 1992 hodzie na Dzień bitvy pad Oršaj1818
Kamientary