Heta maksimalny pakazčyk z pačatku vajny.
Za pierachod Rasii da mirnych pieramoŭ vykazalisia 53% rasijan, apytanych u listapadzie daśledčaj kampanijaj Russian Field. Heta maksimalny pakazčyk z pačatku vajny, piša Rasijskaja słužba Radyjo Svaboda.
Za praciah bajavych dziejańniaŭ vykazalisia 36% respandentaŭ — minimum za ŭvieś pieryjad nazirańniaŭ z sakavika 2022 hoda. Tendencyja da pavieličeńnia kolkaści prychilnikaŭ mirnych pieramoŭ i źmianšeńnia kolkaści prychilnikaŭ vajny nazirajecca ź lutaha 2023 hoda.
Najlepšuju padtrymku mirnych pieramoŭ vykazvajuć žančyny (59%), moładź (68%), małazabiaśpiečanyja rasijanie (59%), aŭdytoryja internet-ŚMI i telekanałaŭ (pa 51%). U prafiesijnym płanie pierachod da pieramoŭ čaściej padtrymlivajuć rabotniki IT, handlu i achovy zdaroŭja, a praciah vajny — rabotniki pramysłovaści.
Padpisańnie miru «zaŭtra» padtrymali b 79%, pryčym 60% apytanych zhadzilisia b na pahadnieńnie ab prypynieńni ahniu biez papiarednich umoŭ.
Dźvie piatyja apytanych u suviazi z vajnoj adčuvajuć niebiaśpieku asabista dla siabie. Bolš za ŭsio tryvohu vyklikajuć udarnyja drony (27%), ekanamičnaja situacyja (20%), abstreły (18%), mabilizacyja (17%) i śmierć abo traŭmy blizkich (12%).
Raniej, 19 listapada, vyniki anałahičnaha apytańnia, praviedzienaha va Ukrainie, apublikavała daśledčaja kampanija Gallup. Ź ich vynikaje, što z pačatku vajny kolkaść ukraincaŭ, jakija ličać, što kraina pavinna vieści vajnu z Rasijaj da poŭnaj pieramohi, źniziłasia amal u dva razy. U 2024 hodzie 52% respandentaŭ chacieli b, kab Kijeŭ jak maha chutčej pačaŭ pieramovy ab miry, u toj čas jak 38% vykazalisia za praciah vajny da pieramohi.
Ciapier čytajuć
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia4
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary