Anhieła Mierkiel: Ja dobra viedała namiery Pucina i viedała, što jon vorah Jeŭropy
U intervju, apublikavanym 23 listapada italjanskaj štodzionnaj hazietaj Corriere della Sera, byłaja kanclerka Hiermanii Anhieła Mierkiel patłumačyła, čamu abrała ŭ svoj čas šlach dyjałohu z Uładzimiram Pucinym i praduchileńnia rasijskaha ŭvarvańnia va Ukrainu.
«Ja vielmi dobra viedała namiery Pucina. Ja viedała, što my majem spravu z voraham Jeŭropy. Pytańnie było tolki ŭ tym, jak reahavać. Maim adkazam było nie razarvać adnosiny z Pucinym, a imknucca — praź pieramovy — praduchilić uvarvańnie», — zhadała Mierkiel.
Jana padkreśliła: «Peŭny čas heta pracavała. Z pačatkam vajny Rasii suprać Ukrainy situacyja pryncypova źmianiłasia».
«Našy pohlady byli supraćlehłymi. Pucin chacieŭ znoŭ zrabić Rasiju vialikaj dziaržavaj. Ale jon nie zmoh zrabić heta na ekanamičnym uzroŭni praz roskvit dla ŭsich. Zamiest hetaha jon sprabavaŭ zrabić heta mietadami, nabytymi ŭ KDB, praz vajskoŭcaŭ, siłu i nacyjanalizm», — skazała byłaja kanclerka Hiermanii.
«Takim čynam, nie spraŭdzilisia mnohija spadziavańni, jakija my ŭskładali ŭ 1990 hodzie na toje, što Rasija pastupova stała na šlach demakratyzacyi», — pryznała surazmoŭca Corriere della Sera.
Na pytańnie, čamu jana nie zabłakavała prajekt hazapravoda «Paŭnočny patok-2» u 2015 hodzie, praz hod paśla anieksii Kryma Rasijaj, Mierkiel adkazała:
«Ja ličyła svajoj zadačaj zabiaśpiečyć, kab niamieckaja ekanomika mahła vykarystoŭvać haz pa dobraj canie. Siońnia my ŭbačyli nastupstvy vialikich vydatkaŭ na enierhiju dla Hiermanii».
«Akramia taho, pa palityčnych mierkavańniach ja paličyła za lepšaje padtrymlivać ekanamičnyja adnosiny z Rasijaj, kab i hetaja kraina mahła ŭdzielničać u dabrabycie», — adznačała kiraŭnica ŭrada Hiermanii ŭ 2005-2021 hadach.
Voś što Mierkiel napisała pra Trampa ŭ svaich miemuarach
Mierkiel: Ja była nadzvyčaj spustošana, daviedaŭšysia pra śmierć Navalnaha
Muž Mierkiel pakinuŭ jaje moknuć pad daždžom u viačernim stroi FOTAFAKT
Ministr zamiežnych spraŭ Ukrainy zaklikaŭ Niamieččynu nie paŭtarać pamyłku Mierkiel
Mierkiel: Poŭnamaštabnaje rasijskaje ŭvarvańnie nie stała siurpryzam
Mierkiel: Pierad sychodam u adstaŭku ja sprabavała stvaryć novy farmat pieramoŭ z Pucinym
Ciapier čytajuć
U vice-śpikierki Kaardynacyjnaj rady Lizaviety Prakopčyk sabrałasia $12 tysiač daŭhoŭ106
Kamientary
Pryznańnie saŭdzielnicy.
"Bačycie, jak kiepska biez haza Pucina?"
Dyk chto pryčynaj tamu, lala?