Mierkiel: Poŭnamaštabnaje rasijskaje ŭvarvańnie nie stała siurpryzam
Eks-kancler Niamieččyny Anhieła Mierkiel dała vialikaje intervju časopisu Spiegel, apublikavanaje ŭ čaćvier. Hod tamu Mierkiel pakinuła pasadu kanclera ŭ momant, kali papiaredžańni ab chutkim rasijskim uvarvańni va Ukrainu hučali ŭžo publična.
«Ja b žadała bolš mirnaha času paśla svajho sychodu, tamu što mnie daviałosia šmat zajmacca Ukrainaj», — skazała Mierkiel u intervju Alaksandru Asanhu, jaki hutaryŭ ź joj i ŭ papiarednim jaje intervju paśla adstaŭki (ich było ŭsiaho dva).
«Ale heta nie stała siurpryzam. Minskaje pahadnieńnie razmyłasia. Uletku 2021 hoda, paśla taho jak prezidenty Bajden i Pucin sustrelisia, ja chacieła stvaryć niezaležny jeŭrapiejski farmat abmierkavańniaŭ z Pucinym, znoŭ z Emanuelem Makronam u Radzie ES. Ale chtości staŭ piarečyć, a ŭ mianie ŭžo nie było sił nastojvać na svaim, bo ŭsie viedali, što vosieńniu ja syjdu», —raspaviała jana.
Sa słoŭ Mierkiel, padčas jaje apošniaha vizitu ŭ Maskvu ŭ žniŭni taho hoda staŭleńnie da jaje było takoje ž: «u sensie siłavoj palityki ty skončyłasia. Dla Pucina tolki siła maje značeńnie».
Staŭleńnie da Mierkiel u niamieckim hramadstvie rezka źmianiłasia paśla pačatku poŭnamaštabnaj vajny, kali niemcy ŭśviadomili stupień zaležnaści ekanomiki krainy ad pastavak rasijskaj syraviny i pierš za ŭsio hazu. Ołaf Šolc, jaki pazicyjanavaŭ siabie na vybarach jak palityk, maksimalna padobny da Mierkiel, ź lutaha abviaściŭ pra kardynalnuju źmienu kursu. Mnohija taksama paprakajuć Mierkiel za toje, što jana piarečyła ŭstupleńniu Hruzii i Ukrainy ŭ NATA; na dumku krytykaŭ, kali b hetyja krainy ciapier byli členami aljansu, Pucin nie aśmieliŭsia b napaści na Ukrainu.
Aŭtar intervju adznačaje, što Mierkiel nie vykazała nijakaha raskajańnia abo škadavańnia.
Jana nie škaduje, što pajšła. «Chtości novy pavinien byŭ hetym zaniacca. Z punktu hledžańnia ŭnutranaj palityki pytańnie pieraśpieła. I ŭ sensie źniešniaj palityki, u kančatkovym vyniku ja ni na milimietr nie prasunułasia […]. Nie tolki što tyčycca Ukrainy. Prydniastroŭje i Małdova, Hruzija i Abchazija, Siryja i Livija. Pryjšoŭ čas dla novaha padychodu», — skazała Mierkiel.
Pa padazreńni ŭ zabojstvie ciažarnaj minčanki zatrymali chakiejnaha sudździu Alaksieja Haŭrylonka6
Kamientary