Śviet44

Bajden pamiłavaŭ dźviuch indyčak pierad Dniom padziaki

Tradycyja pamiłavańnia prezidentam ZŠA indyčak napiaredadni Dnia padziaki ŭpieršyniu ŭźnikła ŭ 1947 hodzie pry Hary Trumenie.

Fota: Susan Walsh / AP

Prezident Džo Bajden pamiłavaŭ dźviuch indyčak pa imieni Pič (Piersik) i Błosam (Kvietka), pazbaviŭšy ich ad doli stać častkaj śviatočnaha stała na Dzień padziaki, što budzie adznačacca ŭ čaćvier, piša Hołas Amieryki.

Heta štohadovaja tradycyja stała apošniaj dla demakrataŭ, prynamsi na bližejšyja čatyry hady, u Biełym domie.

Indyčki, pamiłavanyja sioleta, nazvanyja ŭ honar aficyjnaj kvietki štata Dełaver, jakaja simvalizuje stojkaść, raspavioŭ Bajden haściam, jakija sabralisia na paŭdniovym łužku Biełaha doma.

«Heta padzieja simvalizuje aficyjny pačatak śviatočnaha siezonu tut, u Vašynhtonie. Heta taksama apošni dla mianie raz, u jakaści prezidenta, kab vykazać padziaku. Tamu dazvolcie mnie skazać vam: heta byŭ honar usiaho majho žyćcia, i ja biaskonca ŭdziačny», — skazaŭ Bajden.

Vytoki ciapierašniaj tradycyi pamiłavańnia indyčak uzychodziać da prezidenctva Hary Trumena ŭ 1947 hodzie. Aficyjnaja tradycyja pačałasia ŭ 1989 hodzie ŭ Biełym domie, kali tahačasny prezident Džordž Buš-starejšy ŭpieršyniu aficyjna pamiłavaŭ indyčku na Dzień padziaki.

U čaćvier miljony indyčak buduć zapiečanyja ŭ duchoŭkach pa ŭsioj krainie, bahata palityja sousam i padadzienyja z roznymi harnirami, uklučajučy takija śviatočnyja stravy, jak śpiecyjalnaje chlebnaje načyńnie, bulba, žuravinavy sous i zapiakanka ź zialonaj fasoli.

Kamientary4

  • Acab
    27.11.2024
    Była choć i hidkaja demakratyja, ale chacia ž z majomasnym i połavym cenzam, chistka, z rypieńniem, až XIX stahodździe było roskvitam.
    Jak i koń i błycha pačali hałasavać - niedapiečanyja pirahi ichich vybaraŭ to harełku zabaroniać, to kotyki, a indyčak, ježu, miłujuć.
    Viadoma ž indyčak nie svaich, ŭ prezydenta niama svajho ničoha. Padatkapłacielnik jašče i haduj za svaje hrošy charčovuju ptušku pieratvoranuju pamiłavańniem na škodnika.
    Tak mała, panastvarali hetyja prezydenty miłavalniki ježy kamunistyčnych bajavych listkoŭ na ŭsim śviecie, panaźbirali tudy liśliŭcaŭ biudžetnych, i tyja nachvalajuć vialikasernaść hałoŭnych biurakrataŭ ŭ suviazi z pamiłavańniem indyčki.
    N.B. Kamunisty-vehanisty, ciešusia z vami razam, bo spadar Bajden Stary inšuju indyčku iźjeść, a nie pamiłavanuju
  • Vadzim
    27.11.2024
    Acab, majomasnym i połavym cenzam? surjozna??? mda..
  • Acab
    27.11.2024
    Kaniešnie nijakija cenzy ad zahannaje demakratyi nie ŭratujuć, adno adterminoŭvajuć pahibiel.
    Ale połavy i majomasny chacia ž dali ZŠA burchlivaje raźvićcio XIX stahodździa

Ciapier čytajuć

Łukašenka nacyjanalizavaŭ «Amkador». Šakucin staŭ prostym biełaruskim piensijanieram1

Łukašenka nacyjanalizavaŭ «Amkador». Šakucin staŭ prostym biełaruskim piensijanieram

Usie naviny →
Usie naviny

Pucin: My zhodnyja z prapanovami spynić bajavyja dziejańni, ale jość niuansy15

Paśla napadak praŭładnych aktyvistaŭ u Minsku zakryli vystavu «Biełaruski biestyjaryj»8

Usie kamiery na darohach pačali łavić aŭto nie tolki za chutkaść25

Ukraina abvinavaciła Signal u sadziejničańni Rasii8

U Minsku milicyja siońnia ačapiła terytoryju vakoł HUMa

«Nafih ja siudy pryjšoŭ?» Łaŭroŭ nie strymaŭ emocyj pierad sustrečaj Pucina i Łukašenki VIDEA10

Łukašenka pryjechaŭ u Kreml ź luksavym remieniem Hermes FOTAFAKT20

Ci mohuć ZŠA vyvieści z ładu ŭzbrajeńni, jakija pastaŭlajucca Jeŭropie?1

Kijeŭ pačaŭ nacyjanalizacyju ŭkrainskich aktyvaŭ «Biełaruśkalija». Častku ź ich paśpieli pradać5

bolš čytanych navin
bolš łajkanych navin

Łukašenka nacyjanalizavaŭ «Amkador». Šakucin staŭ prostym biełaruskim piensijanieram1

Łukašenka nacyjanalizavaŭ «Amkador». Šakucin staŭ prostym biełaruskim piensijanieram

Hałoŭnaje
Usie naviny →

Zaŭvaha:

 

 

 

 

Zakryć Paviedamić