«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu
Taksama błohier Andrej Pavuk pasprabavaŭ daviedacca, čamu zalatajuć u Biełaruś «šachiedy».
Z pytańniem, čamu tak šmat «šachiedaŭ» zalataje na terytoryju Biełarusi, błohier Andrej Pavuk źviarnuŭsia va Upraŭleńnie avijacyi Vajenna-pavietranych sił i vojsk supraćpavietranaj abarony Ministerstva abarony Respubliki Biełaruś. Tam jamu adkazali, što «pytańnie dobraje, ale nie pa adrasu».
Pavuk pasprabavaŭ udakładnić, kudy źnikajuć bieśpiłotniki, što da nas zalatajuć.
— Historyja zamoŭčvaje.
— A čamu? — dapytvaŭsia Pavuk.
— Tamu što tamu. Taksama nie kampietentny vam u hetym pytańni adkazać, — atrymaŭ adkaz.
Na zaŭvahu, što «bieśpiłotniki amal što na hałovy nasielnictvu padajuć», pradstaŭnik upraŭleńnia avijacyi adkazaŭ, što «ŭsio pad kantrolem. Nikomu ničoha nie padaje».
Za adkazam na pytańnie ab «šachiedach» błohiera adpravili na haračuju linii Dziaržpahrankamitetu ŭ Mazyrskim pahraničnym atradzie i Homielskaj pamiežnaj hrupie.
Pavuk pazvaniŭ u Instytut pamiežnaj słužby.
— Vy choć sami ŭ kursie, što da nas u Biełaruś zalatajuć bieśpiłotniki rasijskija?
— Nie, nie viedajem.
Na zaŭvahu błohiera, što vypadki zalotu i źbićcia byli zafiksavanyja prostymi žycharami na mabilnyja telefony, a ŭ instytucie ničoha nie bačać, jon atrymaŭ adkaz:
— My tam, na žal, nie znachodzimsia. Tamu bačyć ich nie možam.
U pradstaŭnika Homielskaj pamiežnaj słužby Pavuk pasprabavaŭ daviedacca, ci možna ŭzbrojenym ludziam pierasiakać dziaržaŭnuju hranicu Biełarusi.
— Ci mahu ja ŭziać aŭtamat Kałašnikava i pierasiekčy biełaruska-ukrainskuju miažu?
— Vy chočacie ŭziać aŭtamat i pierasiekčy biełaruska-ukrainskuju miažu?
— Tak. Čort pabiary. Vy mianie zrazumieli.
— Nu, kali łaska.
— Što? Možna?
— My zabaranić vam nie možam. (…)
— A, tak voś. Vy nie možacie zabaranić. Tamu i šastajuć usiakija vajskoŭcy z našaj terytoryi va Ukrainu. Na tankach, viertalotach.
— Kali niezakonna budzie pierasiečana dziaržaŭnaja hranica, vy budziecie parušalnikam dziaržaŭnaj miažy. I budziecie pryciahnuty da administracyjnaj adkaznaści až da kryminalnaj.
— Što ž vy mnie raniej nie skazali. Ja b, mahčyma, papiaredziŭ rasijskich vajennych, što nielha tak rabić.
U inšaha pradstaŭnika Homielskaj pamiežnaj słužby Pavuk pasprabavaŭ daviedacca, nakolki zakonna było pierasiačeńnie dziaržaŭnaj miažy Biełarusi z Ukrainaj rasijskimi vojskami ŭ lutym 2022 hoda.
— Ja nie daju jurydyčnuju acenku jakim-niebudź padziejam.
U minskim handlovym centry Palazzo sabrałasia daŭžeznaja čarha. Pa darmovych miadźviedzikaŭ!5
Kamientary
Nadta pavučalnaje vidovišča