Ministerstva adukacyi zapatrabavała ekstranna pravieści mierapryjemstva da jubileju «Sajuznaj dziaržavy»
Ministerstva adukacyi siońnia zapatrabavała ad biełaruskich škoł i kaledžaŭ pravieści adziny ŭrok: dla «sadziejničańnia ŭśviedamleńniu navučencami kaštoŭnaści družby pamiž narodami Biełarusi i Rasii», daviedaŭsia «Fłahštok».
U adpaviednaści z rasparadžeńniem namieśnika ministra adukacyi Kaciaryny Piatruckaj, navučalnyja ŭstanovy abaviazanyja pravieści ŭrok z 5 pa 10 śniežnia. Nahoda — 25-hodździe padpisańnia ŭ 1999 hodzie damovy ab stvareńni «Sajuznaj dziaržavy Biełarusi i Rasii».
Nie zapłanavany zahadzia charaktar «adzinaha ŭroka» moža śviedčyć, što mierapryjemstva siarod dziaciej i padletkaŭ prymierkavanaje da sustrečy Łukašenki i Pucina ŭ Minsku 6 śniežnia.
Infarmacyja pra pryjezd Pucina źjaviłasia tolki 26 listapada. Vierahodna, čynoŭniki Minadukacyi sami nie płanavali nijakich mierapryjemstvaŭ da hetaj daty, ale ŭ samy apošni momant atrymali adpaviedny zahad.
U instrukcyi pa praviadzieńni ŭroka havorycca, što dziaciej varta sabrać u aktavaj zale abo biblijatecy, ź mienšymi dziećmi pavadzić «karahod družby», a starejšym pačytać cytaty z Łukašenki i Pucina. Skončyć urok rekamiendujecca pieśniaj Aleny Łanskoj i Alaksandra Jałoŭskich «Vmiestie».
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB29
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ88
Kamientary
Za kazkami pra "Łukašenka pamiraje" heta vam treba na Chartyju, jakaja ŭžo hadoŭ 20 piša što jon "pry śmierci".