Міністэрства адукацыі запатрабавала экстранна правесці мерапрыемства да юбілею «Саюзнай дзяржавы»
Міністэрства адукацыі сёння запатрабавала ад беларускіх школ і каледжаў правесці адзіны ўрок: для «садзейнічання ўсведамленню навучэнцамі каштоўнасці дружбы паміж народамі Беларусі і Расіі», даведаўся «Флагшток».
У адпаведнасці з распараджэннем намесніка міністра адукацыі Кацярыны Пятруцкай, навучальныя ўстановы абавязаныя правесці ўрок з 5 па 10 снежня. Нагода — 25-годдзе падпісання ў 1999 годзе дамовы аб стварэнні «Саюзнай дзяржавы Беларусі і Расіі».
Не запланаваны загадзя характар «адзінага ўрока» можа сведчыць, што мерапрыемства сярод дзяцей і падлеткаў прымеркаванае да сустрэчы Лукашэнкі і Пуціна ў Мінску 6 снежня.
Інфармацыя пра прыезд Пуціна з'явілася толькі 26 лістапада. Верагодна, чыноўнікі Мінадукацыі самі не планавалі ніякіх мерапрыемстваў да гэтай даты, але ў самы апошні момант атрымалі адпаведны загад.
У інструкцыі па правядзенні ўрока гаворыцца, што дзяцей варта сабраць у актавай зале або бібліятэцы, з меншымі дзецьмі павадзіць «карагод дружбы», а старэйшым пачытаць цытаты з Лукашэнкі і Пуціна. Скончыць урок рэкамендуецца песняй Алены Ланской і Аляксандра Ялоўскіх «Вместе».
Цяпер чытаюць
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў8
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1313
Каментары
За казкамі пра "Лукашэнка памірае" гэта вам трэба на Хартыю, якая ўжо гадоў 20 піша што ён "пры смерці".