«Tolki biznes, ničoha palityčnaha». Jeŭrapiejskija biznesmieny pryhladajucca da padsankcyjnaj Biełarusi
Krynicy ŭ dziełavych kołach raskazali vydańniu Office Life, što ŭ apošnija miesiacy ŭ Biełarusi fiksujecca prykmietny prytok zamiežnych inviestaraŭ abo ich pradstaŭnikoŭ. Prytym kali vajažami pradprymalnikaŭ z Rasii, Kitaja ci Turcyi nikoha nie ździviš, to takoj vialikaj kolkaści vizitaŭ jeŭrapiejskich biznesmienaŭ nie nazirałasia, jak śćviardžajecca, z dakavidnych časoŭ.
Va ŭmovach sankcyj niekatoryja jeŭrapiejskija kampanii ci pajšli ź Biełarusi, ci spynili inviestycyi. Źmienšylisia i dziełavyja kantakty. Adnak sioleta, pavodle infarmacyi Office Life, cikavaść da Biełarusi z boku jeŭrapiejcaŭ uzrasła.
Naprykład, Biełaruś naviedvali italjanskija pradprymalniki, jakija śpiecyjalizujucca na rašeńniach u halinie sielskaj haspadarki. Jany nibyta razhladajuć mahčymaść łakalizacyi vytvorčaści ŭ Biełarusi. Ich pryciahvaje nie tolki ahrapramysłovy siektar Biełarusi, ale i ŭ cełym rynak JEAES.
Byli ŭ Minsku i sierbskija biznesmieny. Sierbija choć i dałučyłasia da sankcyj ES, ale źjaŭlajecca adzinaj krainaj u Jeŭropie, u jakoj dziejničaje pahadnieńnie ab zonie svabodnaha handlu z krainami Jeŭrazijskaha ekanamičnaha sajuza. Sierby chacieli pašyryć supracoŭnictva ŭ takich śfierach, jak budaŭnictva, sielhastechnika, pradukty charčavańnia i inš.
Pavodle infarmacyi Office Life, haściavała ŭ biełaruskaj stalicy i hrupa inviestaraŭ z Narviehii. Jany dumajuć naładzić u Biełarusi pierapracoŭku biełaruskaj draŭniny, a hatovuju pradukcyju pastaŭlać vyklučna na ekspart.
Byli ŭ jeŭrapiejskaha biźniesu kantakty i z rezidentami Parka vysokich technałohij.
Krynicy ŭ jurydyčnych kampanijach paćviardžajuć, što sioleta nazirajecca rost vizitaŭ jeŭrapiejskich dziełavych kołaŭ u Biełaruś.
«Hetaj vosieńniu ŭ Minsk naviedvalisia jak sami ŭłaśniki, tak i ich pradstaŭniki. Nielha skazać, što va ŭsich jość adna vyrazna vyjaŭlenaja meta. Kožny pieraśleduje svaje intaresy. U niekatorych tut zastaŭsia biznes. Jany razvažajuć, što ź im rabić — pradavać abo pačakać.
Prychod da ŭłady ŭ ZŠA Trampa daje nadzieju, što sankcyi mohuć asłabnuć, a biełaruskija ŭłady zdymuć abmiežavańni na prodaž i vypłatu dyvidendaŭ,
— kažuć surazmoŭcy. — Chapaje i tych, chto byŭ upieršyniu ŭ Biełarusi. Jany zacikaŭlenyja pastaŭlać tavary na rynki Biełarusi i Rasii.
Niekatoryja hatovyja handlavać «chadavoj» biełaruskaj pradukcyjaj. Sankcyi — heta nie maje značeńnia. U ich ekanomika [pastavak] składvajecca. Tolki biznes, ničoha palityčnaha.
Što tyčycca inviestycyj, to ciapier tolki adzinki hatovyja ŭkładać hrošy ŭ prajekty ŭ Biełarusi. Nam viadomyja takija prykłady. Ale pakul usio na ŭzroŭni razmoŭ. I, jak praviła, u takich prajektach jeŭrapiejskija pradprymalniki biaruć u dolu miascovych partnioraŭ. Nu albo biełarusy pryciahvajuć jeŭrapiejcaŭ i adkryvajuć sumiesnuju kampaniju.
Kali abahulnić: cikavaść u jeŭrapiejcaŭ prysutničaje, ale pa abjektyŭnych pryčynach da ŭzroŭniu 2018-2019 hadoŭ jašče daloka».
Samym darahim maładym startapam u śviecie pryznali kampaniju, jakuju zasnavaŭ biełarus
«Treba kuplać łatarejny bilet». Stvaralnik kampanii Flo padzialiŭsia sakretam pośpiechu
Vialikabrytanija raskryła bujnuju mižnarodnuju sietku pa admyvańni kryptavaluty dla ŭzbahačeńnia Kramla i apieracyj rasijskich špijonaŭ u Jeŭropie
Delehatka KR Karpušonak paśla maŭčańnia apublikavała videa31
Delehatka KR Karpušonak paśla maŭčańnia apublikavała videa
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach1616
Kamientary