«Pryhožaja i dastojnaja łedzi!» Boty šalona chvalać Abielskuju
Pad infarmacyjaj ab tym, što Iryna Abielskaja stała babulaj, va ŭsiu ščyrujuć boty. Jany absypajuć mamu Koli kamplimientami i zyčać ščaścia «vialikaj siamji». Kolu taksama dastajecca niamała pryjemnych słovaŭ.
Naša videa ŭ tyktoku ab źmienach u siamji Iryny Abielskaja sabrała bolš za 180 kamientaryjaŭ.
Realnyja karystalniki vykazvajuć ździŭleńnie źmienam u źniešnaści dyrektarki lečkamisii. Najbolš łajkaŭ nabrała zaŭvaha «a što z tvaram?».
Boty ž u svaju čarhu sypluć kamplimienty Abielskaj.
Jana «pryhožaja i razumnaja», «pryhožaja i dastojnaja łedzi — mama Koli», «vielmi pryhožaja žančyna, vielmi pryjemnaja».
Nu a kali ŭ niekaha nie paviartajecca jazyk ab pryhažości, to abmiažoŭvajecca zaŭvahami kštałtu:
«pryjemnaja žančyna», «vielmi abajalnaja žančyna», «vydatnaja žančyna», «supier žančyna» i pažadańniami «ŭsiaho dobraha joj».
Asobnyja boty majuć zadańnie spałučać Abielskuju z Alaksandram Łukašenkam:
«Zaŭsiody ŭśmiešlivaja i vielmi pryjemnaja žančyna! Usich dabrot siamiejstvu!! I z dniom naradžeńnia A.H. Łukašenka».
Inšyja boty majuć ukazańnie radavacca za «vialikuju siamju» i zyčyć joj zdaroŭja i ščaścia.
«Jak ja rada za hetu vialikuju siamju!! Zdaroŭja im usim!!!» «Daj Boh zdaroŭja ŭsioj siamji», «Zdaroŭja ŭsim na šmat hadoŭ, vielmi pryjemnaja mama Koli», «Zdaroŭja ŭsim, ščaścia».
Nie zabyvajucca boty i pra Kolu Łukašenku. «Kola vielmi pryhožy i razumny ŭdaŭsia», «Kalania dobry chłopiec!».
Kamientary